បានប្ដីអាណិកជនក៏ពិតមែនតែ អេនជី មិនអាចប្រៀបនឹង គឹម លីហ្សា និងសារ៉ាយ សក្ខណា បានទេ!

ពិធីមង្គលការរបស់នាង អេនជី និងស្វាមីលោក ភីតធ័រ សុធារ៉ាហេង យប់មិញមិនអាចប្រៀបនឹងតារាសម្ដែងនាង គឹម លីហ្សា និងនាង សារ៉ាយ សក្ខណា បាននោះទេ ទោះជាស្វាមីរបស់នាងជាអាណិកជនអាមេរិកដែរក៏ដោយ។

អានអត្ថបទ៖ អេនជី អរគុណម្ដាយក្មេក !

នាង អេនជី និងស្វាមីក្នុងពិធីមង្គលការយប់មិញ

មិនអាចយកទៅប្រៀបនឹងតារាសម្ដែងទាំងពីរនោះបាន ដោយសារតែអ្នកនាង អេនជី អញ្ជើញភ្ញៀវកិត្តិយសចូលរួមប្រមាណជា ៤០០នាក់ ក្នុងនោះនាងបានអញ្ជើញតារាៗប្រមាណជា២០តុ។ រីឯ គឹម លីហ្សា អញ្ជើញភ្ញៀវកិត្តិយសប្រមាណជា ៧០តុ ហើយមកលើសចំនួនកំណត់រហូតដល់៨០តុឯណោះ។ ដោយឡែកនាង សារ៉ាយ សក្ខណា វិញបានអញ្ជើញភ្ញៀវកិត្តិយសឱ្យចូលរួមប្រមាណ ១៥០តុ ហើយអ្នកសិល្បៈទាំងចាស់ទាំងក្មេងមកចូលរួមគ្នាសល់នោះទេ។

អានអត្ថបទ៖ ល្បីដូចគ្នា រ៉ូបពណ៌ដូចគ្នា តែសម្ផស្សវិញអាចមិនដូចគ្នាទេដឹង!

បើទោះជាបានប្ដីជាអាណិកជនដូចតារាស្រីទាំងពីរខាងលើយ៉ាងណាក្ដី ពិធីមង្គលការយប់មិញ គេមិនឃើញមានតារាចូលរួមច្រើនកុះករ ឬមានភាពអធិកអធម ដូចជាពិធីមង្គលការរបស់នាង សារ៉ាយ សក្ខណា និងនាង គឹម លីហ្សា ឡើយ។

ប្រការពិធីមង្គលការនាង លី ចាន់ដាលីស ហៅ អេនជី មិនអាចប្រៀបនឹង សារ៉ាយ សក្ខណា និងគឹម លីហ្សា ក៏ព្រោះតែនាងជាតារាស្រករក្រោយមិនទាន់មានឈ្មោះបោះសំឡេង ឬមួយស្គាល់គេច្រើននៅក្នុងពិភពសិល្បៈ។

អានអត្ថបទ៖ តារាបញ្ចេញគល់ភ្លៅលេចធ្លោយប់មិញ!

ចំពោះមង្គលការរបស់នាង គឹម លីហ្សា និង នាង សារ៉ាយ សក្ខណា វិញមានវត្តមានសិល្បករ សិល្បការិនីជាច្រើនរូបចូលរួម ហើយពួកគេម្នាក់ៗសុទ្ធតែបង្ហាញនូវឈុតរ៉ូបអាពាហ៍ពិពាហ៍មានតម្លៃរាប់ពាន់ និងខ្ទង់ម៉ឺនដុល្លារ៕