យុវជន ២នាក់ ស្រវឹងស្រាជោកជាំ បើកម៉ូតូក្នុងល្បឿន លឿនដួលខ្លួនឯង របួសធ្ងន់
រាជធានីភ្នំពេញ ៖ យុវជន ២នាក់ បានរងរបួសយ៉ាងធ្ងន់ធ្ងរ ខណៈដែលពួកគេស្រវឹងស្រាជោកជាំ ហើយជិះម៉ូតូ SL ១គ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 1AI-7578 ធ្វើដំណើរយ៉ាងលឿនតាមបណ្តោយ មហាវិថីសហព័ន្ធរុស្ស៊ី ក្នុងទិសដៅពីកើតទៅលិច លុះមកដល់ចំណុចមុខរោងចក្រកាត់ដេរ គង់ ហុង ក៏បានរេចង្កូតដួលច្រងាប់ ច្រងិលពេលផ្លូវ រងរបួសធ្ងន់។
ហេតុការណ៍នេះ បានកើតឡើងកាល ពីវេលាម៉ោង ២ និង ១០នាទី យប់រំលងអាធ្រាត្រឈានចូលថ្ងៃទី១៩ ធ្នូ ២០១៣ ស្ថិតក្នុងសង្កាត់ទឹកថ្លា ខណ្ឌសែនសុខ។ ក្រោយកើតហេតុ ជនរងគ្រោះត្រូវរថយន្តសាមុយដឹកយកទៅសង្រ្គោះនៅមន្ទីរពេទ្យ ចំណែកម៉ូតូសមត្ថកិច្ចនាំយក ទៅរក្សាទុកនៅអធិការដ្ឋាននគរបាលខណ្ឌសែនសុខ៕
ប្រភពពី៖ www.khmerload.com
0 comments:
Post a Comment