រូមភេទដោយបាញ់ទឹកកាមនៅខាងក្រៅអាចជាវិធីពន្យារកំណើតទេ?
យុវវ័យមួយចំនួនធំតែងតែគិតថា យុទ្ធសាស្រ្ដចាក់ទឹកក្រៅពាងជាវិធីសាស្រ្ដមួយដ៏មានប្រសិទ្ធភាព ក្នុងការការពារកុំឱ្យមានកូនដោយចៃដន្យ នៅពេលដែលពួកគេរួមភេទដោយមិនប្រើស្រោម។ តើទង្វើផ្ទុយពីការប្រើប្រាស់ថ្នាំពន្យាកំណើត និងវិធីសាស្រ្ដពន្យាកំណើតរាប់តាមប្រតិទិន ឬការពន្យារច្រើនទៀតនេះ អាចមានប្រសិទ្ធិភាពដែរឬទេ?
រូបតំណាង
យុវជន ហុងលី និស្សិតផ្នែកឱសថសាស្រ្ដសុំមិនបញ្ចេញឈ្មោះសាលា បានបង្ហើបប្រាប់ nob70 ថា ប្អូនធ្លាប់រួមភេទដោយប្រើ វិធីសាស្រ្ដចាក់ទឹកក្រៅពាងមួយនេះ អាចមានប្រសិទ្ធភាព ៨០% ប៉ុន្តែវាក៏អាស្រ័យលើថ្ងៃនៃវដ្ដរដូវខាងស្រីផងដែរ។
យុវជនរូបនេះបន្តថា “ទោះជាពេលកន្លងមកអត់មានអីមែន ប៉ុន្ដែវិធីមួយនេះនៅតែបង្កការព្រួយបារម្ភបុកពោះដដែលហ្នឹងបង! ជាពិសេសថ្ងៃចុងខែចាំតែអ៊ុតមើលលទ្ធផលទេ”។
ចំណែកឯលោក ធារ៉ា បុគ្គលិកផ្នែកលក់ក្រុមហ៊ុនលក់ភេសជ្ជៈមួយម្ដុំផ្សារអូឡាំពិក ក៏បានលើកមតិស្រដៀងនឹងយុវវជនខាងលើដែរថា ប្រហែលជាពេលមុនៗ លោករួមភេទ ចំថ្ងៃដែលមិនមានកូនហើយមើលទៅ បានជាមិនអីនោះ។ យ៉ាងណាក៏ដោយលោក ធារ៉ា ក៏មិនហ៊ានធានាថាវិធីនេះមានសុវត្ថិភាព ១០០ ភាគរយនោះទេ។
លោកបន្ថែមថា បើយកល្អត្រូវប្រើប្រាស់ស្រោមអនាម័យ ប៉ុន្តែបើពេលវេលាប្រថុចញ៉ុចរកអ្វីមិនបាននោះ វិធីសាស្រ្ដនេះគឺវិធីល្អបំផុតហើយ។
ខុសពីមតិទាំង ២ ខាងលើ យុវជន ឈុនលាង បាននិយាយដោយត្រង់ប្រាប់ ថា “ខ្ញុំធ្លាប់តែឮគេនិយាយអីចឹងមែនបង តែខ្ញុំមិនដែលហ៊ានសាកទេ ណាមួយដៃគូខ្ញុំក៏មិនព្រមដែរ ព្រោះវាអាចបង្កជារឿងរ៉ាវច្រើនណាស់ ”។
និស្សិតឆ្នាំទី ៣ ផ្នែក Design រូបនេះបន្តទៀតថា បើហ៊ានធ្វើដូច្នេះមានតែយើងហ៊ានទទួលខុសត្រូវ នឹងបញ្ហាអ្វីមួយដែលអាចនឹងកើតឡើងនៅពេលខាងមុខ តែបើស្ទាក់ស្ទើរទេនោះ វិធីមួយនេះគួរតែជៀសវាងទៅ។
ពាក់ព័ន្ធនឹងចំណុចនេះ យុវជន រដ្ឋា បានបញ្ចេញមតិបកស្រាយថា ចាក់ទឹកក្រៅពាងជាវិធីមួយមិនអាចបង្កាកុំឱ្យមានកូនបានឡើយ ព្រោះមិត្តភ័ក្ដប្អូនធ្លាប់ជួបបទពិសោធន៍នេះហើយ ទីបំផុតមានតែនារីទេជាអ្នករងគ្រោះ។
បញ្ជាក់ឱ្យកាន់តែច្បាស់ និស្សិតបញ្ចប់ផ្នែក ព័ត៌មានវិទ្យាពីសាកលវិទ្យាល័យន័រតុនរូបនេះ និយាយថា “មិត្តភ័ក្ដិខ្ញុំប្រាប់ខ្ញុំថា ដោយសារទុកចិត្តអាចាក់ទឹកក្រៅពាងនឹងហើយ បានជាសង្សារគេមានផ្ទៃពោះនោះ ហើយពេលនោះខ្ញុំមើលទៅពួកគេដូចជាពិបាកភ្នែកណាស់”។
>>ស្នេហានិងការលះបង់ខ្លួនក្នុងសង្គមយុវវ័យខ្មែរ>>
ទោះជាយ៉ាងណាក៏ដោយ វិធីពន្យាកំណើតផ្សេងៗដែលក្រសួងសុខាភិបាល និងអង្គការពាក់ព័ន្ធនឹងបញ្ហាសុខភាពបន្តពូជ មិនបានរាប់បញ្ចូលវិធីសាស្រ្ដចាក់ទឹកក្រៅពាងដែលយុវវ័យគិតថាអាចការពារមិនឱ្យមានកូនដោយចៃដន្យនេះទៅក្នុងវិធីពន្យាកំណើតឡើយ។ វិធីពន្យាកំណើតដែលក្រសួងសុខាភិបាល និងអង្គការអប់រំសុខភាពបន្តពូជដែលគេទទួលស្គាល់នោះមានដូចជា ការលេបថ្នាំ ការចាក់ថ្នាំ ការដាក់កងក្នុងស្បូន ឬក៏នៅដើមដៃ និងវិធីសាស្រ្ដមួយទៀតគឺប្រើស្រោមអនាម័យ៕
ដោយ nob70
ប្រភពពី៖ www.nob70.com
0 comments:
Post a Comment