អ្នកវិភាគ៖ ៥ឆ្នាំទៀត Apple នឹងបញ្ចូលគ្នាជាមួយ Microsoft ផ្ដួល Google
ក្រុមហ៊ុន Smartphone យក្សរបស់អាមេរិក Apple នឹងបញ្ចូលជាមួយ Microsoft នៅ៥ឆ្នាំទៀត ដើម្បីផ្ដួល Google/Android/Facebook។ នេះជាសម្ដីអ្នកវិភាគ Fitz-Gerald ពេលកន្លងទៅនេះ។
ការលើកឡើងរបស់អ្នកវិភាគមកពីក្រុមហ៊ុនហិរញ្ញវត្ថុ Money Map Press បានធ្វើឱ្យមនុស្សជាច្រើនភ្ញាក់ផ្អើល។ លោកបានប្រាប់អ្នកសារព័ត៌មាន Fox Business ថា “អ្នកគ្រប់គ្នាយល់ថា វាពិតជាមិនគួរឱ្យជឿ តែវាអាចទៅរួច ហើយ Apple និង Microsoft នឹងបញ្ចូលគ្នានៅពេល ៥ទៅ១០ឆ្នាំខាងមុខទៀត”។
អ្នកវិភាគរូបនេះបន្តថា Apple ជាក្រុមហ៊ុនខ្លាំងខាង Hardware និង Software ប៉ុន្តែក្រុមហ៊ុននេះមិនប្រជែងអត្រាលក់ជាមួយ Samsung បានទេ។ ដោយឡែក Microsoft ខ្លាំងផងដែរលើ Hardware និង Software លើ PC ហើយបច្ចុប្បន្នក្រុមហ៊ុននេះ កំពុងងាកទៅរកឧស្សាហកម្មទូរសព្ទ (Windows Phone ដែលកំពុងពេញនិយមលើ Nokia)។ បើក្រុមហ៊ុននេះបញ្ចូលគ្នា លោកគិតថាច្បាស់ជាយកឈ្នះ Google ហើយក្លាយជាក្រុមហ៊ុនខ្លាំងជាងគេលើលោក។
Fitz-Gerald បានឱ្យដឹងថា ការអះអាងរបស់គាត់គឺជាការស្ទង់មើលដ៏ត្រឹមត្រូវមួយ ប៉ុន្តែគាត់មិនហ៊ានប្រាកដដែរថា ក្រុមហ៊ុនទាំងពីរនិងធ្វើយ៉ាងដូច្នេះ តែវានៅតែអាចកើតឡើង។ ទោះបីជាយ៉ាងណា ជុំវិញការវិភាគនេះ នៅពុំទាន់មានប្រតិកម្មអ្វីពីក្រុមហ៊ុនទាំងពីរខាងលើនៅឡើងទេ។
តើប្រិយមិត្តគិតថា ក្រុមហ៊ុនទាំងពីរនេះនឹងរួមបញ្ចូលគ្នាដែរឬទេ?
ដោយ nob70
ប្រភព៖ Cnet, Asiantown
0 comments:
Post a Comment