ពិធីការិនីប្រចាំប៉ុស្តិ៍ទូរទស្សន៍មួយរបស់បារាំង នាង Doria Tillier បានស្រាតដាក់កម្មវិធីព្យាករណ៍អាកាសធាតុរបស់នាងកាលពីថ្ងៃពុធម្សិលមិញ ក្រោយបារាំងបានជាប់ទៅលេងជុំផ្ដាច់ព្រ័ត្រ World Cup ឆ្នាំក្រោយ។
រឿងហេតុនេះបានកើតឡើងដោយសារ មុនបារាំងជួបអ៊ុយក្រែននៅជើងទី២ វគ្គ play-off តំបន់អឺរ៉ុបកាលពីថ្ងៃអង្គារកន្លងទៅ អតីតតារាម៉ូឌែល និងសម្ដែងរូបនេះ បានសន្យាថានឹងដោះសម្លៀកបំពាក់ចេញឲ្យអស់ ប្រសិនបើក្រុមជម្រើសជាតិបារាំង អាចវាយបកយកឈ្នះអ៊ុយក្រែនបានមែននោះ។
នាង Tillier សន្យាស្រាតបើបារាំងជាប់ទៅ World Cup
នៅទីបំផុតបារាំងពិតជាអាចធ្វើបានមែន ពោលគឺយកឈ្នះអ៊ុយក្រែន ៣-០ នៅកីឡដ្ឋាន Stade de France ក្រោយចាញ់នៅទឹកដីអ៊ុយក្រែន ២-០។ ក្រោយលទ្ធផលនេះ នាង Tillier មិនបានលេបសម្ដីរបស់ខ្លួននោះទេ ពោលគឺនាងបានស្រាតមុខកាមេរ៉ាបង្ហាញរូបរាងអាក្រាតរបស់នាងដាក់ទូរទស្សន៍ដូចការសន្យាមែន។
យ៉ាងណាក្ដី ការស្រាតនេះមិនដូចការរំពឹងទុករបស់ប្រិយមិត្តនាងប៉ុន្មានទេ ត្បិតនាងមិនបានស្រាតផ្ទាល់ដាក់កាមេរ៉ាទូរទស្សន៍នោះទេ ដោយនាងបានត្រឹមស្រាតហើយថតជាវីដេអូមកដាក់ក្នុងកម្មវិធីនាងប៉ុណ្ណោះ។ ការស្រាតនោះទៀតសោត គឺបានត្រឹមថតពីចម្ងាយ ហើយចាប់យកតែខាងក្រោយប៉ុណ្ណោះ។
ក្រោយក្រុមជើងឯកឆ្នាំ១៩៩៨ ដែលដឹកនាំដោយលោក Didier Deschamps ស៊ុតបញ្ចូលទីគ្រាប់ទី២ ពិធីការិនីវ័យ២៧ឆ្នាំរូបនេះ ក៏បានសរសេរក្នុង Twitter របស់នាងដែរថា៖ “F***. 2-0 for France. I’m starting to stress”។ ការសរសេរនេះបានបង្ហាញថានាងក៏មិនចង់ស្រាតដាក់ទូរទស្សន៍ប៉ុន្មានដែរ។
ចង់ដឹងប្រទេសណាខ្លះដែលជាប់ទៅលេង World Cup ឆ្នាំក្រោយ សូមចុចត្រង់នេះ៕
0 comments:
Post a Comment