បន្ទាប់​ពី​មាន​រឿង​ចម្រូងចម្រាស​ជាមួយ​ប្រធាន FIFA រួច​មក ពេល​នេះ​កីឡាករ​ Cristiano Ronaldo បាន​ញញឹម​ជា​ថ្មី ​និង​​បាន​បង្អួត​រាង​ដ៏​សង្ហា​​ក្នុង​ពិធី​តាំង​បង្ហាញ​ខោ​ទ្រនាប់​ម៉ាក​ថ្មី CR7។

Ronaldo ឈរ​មុខ​រូប​​ដ៏​ធំ​របស់​ខ្លួន

នៅ​ក្នុង​ពិធី​តាំង​បង្ហាញ​ឈុត​ក្នុង​ថ្មី​នេះ គេ​សង្កេត​ឃើញ​មាន​ការ​តាំង​​ស្លាក​ពាណិជ្ជកម្ម​ដ៏​ធំ ដែល​មាន​រូប Ronaldo ឈរ​ស្លៀក​ខោ​ទ្រនាប់​ បង្ហាញ​​ដង​ខ្លួន​​ទទេ​ដែល​ពោរពេញ​ដោយ​សាច់ដុំ។

តាម​ពិត​ទៅ កីឡាករ​ជម្រើស​ជាតិ​ព័រទុយហ្គាល់​រូប​នេះ មិន​មែន​ជា​កីឡាករ​បាល់ទាត់​ដំបូង​គេ​ដែល​ត្រូវ​បាន​ជ្រើសរើស​ឲ្យ​ធ្វើ​ជា​តារា​ម៉ូដែល​ខោ​ទ្រនាប់​បែប​នេះ​​នោះ​ទេ ពោល​គឺ David Beckham និង Freddie Ljunberg ក៏​ធ្លាប់​ធ្វើ​បែប​នេះ​ដែរ​នា​ពេល​កន្លង​មក ដោយ Beckham បង្ហាញ​ខោ​ទ្រនាប់​ម៉ាក​ Emporio Armani រី​ឯ Ljunberg បង្ហាញ​ម៉ាក Calvin Klein (រូប​ខាង​ក្រោម)។

Beckham ពេល​បង្ហាញ​ម៉ូដ​ខោ​ទ្រនាប់​កន្លង​មក

Freddie Ljunberg បង្ហាញ​ម៉ូដ​ខោ​ទ្រនាប់​ Calvin Klein កន្លង​មក

មុន​ដាក់​បង្ហាញ​ខោ​ទ្រនាប់​ថ្មី​នេះ Ronaldo បាន​ធ្វើ​បាន​ហ៊ែតទ្រីក​ ជួយ​ឲ្យ Real Madrid បំបាក់ Sevilla ៧-៣។ ៣គ្រាប់​​បន្ថែម​នោះ​ បាន​ធ្វើ​ឲ្យ​កីឡាករ​វ័យ​២៨ឆ្នាំ​រូប​នេះ ក្លាយ​ជា​កីឡាករ​ឈរ​នៅ​លេខ​៤​ក្នុង​តារាង​អ្នក​ស៊ុត​បញ្ចូល​ទី​ច្រើន​ជាង​គេ​ក្នុង​ប្រវត្តិសាស្រ្ដ Real Madrid ហើយ​ក៏​កំពុង​ឈរ​លើ​គេ​ក្នុង​តារាង​អ្នក​ស៊ុត​បញ្ចូល​ទី​នៅ La Liga រដូវ​កាល​នេះ ជាមួយ Diego Costa ផង​ដែរ (១១គ្រាប់​ដូច​គ្នា)។

​មើល​រូប​ Ronaldo ក្នុង​ពិធី​តាំង​បង្ហាញ​ខោ​ទ្រនាប់ CR7 ថ្មី ដូច​ខាង​ក្រោម​នេះ៖