តារាសម្ដែង អ៊ិន វរល័ក្ខណ៍ទេពី បានប្រតិកម្មខ្លាំងៗ ចំពោះសេចក្ដីរាយការណ៍របស់អ្នកសារព័ត៌មានក្នុងស្រុកមួយ ដែលដាក់ចំណងជើងថា “អ៊ិន វរល័ក្ខណ៍ទេពី មិនរាងចាលបុរសអាមេរិក” និងឃ្លាមួយថា នាងស្រឡាញ់ស្រីដូចគ្នា។ ការប្រតិកម្មនេះធ្វើឡើង ខណៈនាងកំពុងទៅលេងបងប្អូនជីទួតមួយនៅសហរដ្ឋអាមេរិកអស់រយៈពេលជិត ២ ខែមកហើយ ហើយគ្រោងត្រឡប់មកប្រទេសកម្ពុជានៅ១សប្ដាហ៍ទៀត។
“ខ្ញុំមិនសប្បាយចិត្តទាល់តែសោះ ចំពោះសេចក្ដីរាយការណ៍នោះ ហើយកាសែតនោះបានសរសេរដដែលៗ ខណៈរឿងនេះបានបញ្ចប់ទៅហើយ ហើយខ្ញុំចង់សួរកាសែតនោះវិញថា តើខ្ញុំរាងចាលរឿងអី”។ នេះជាការលើកឡើងរបស់ កញ្ញា អ៊ិន វរល័ក្ខណ៍ទេពី ដែលបាននិយាយប្រាប់គេហទំព័រយើងខ្ញុំពីសហរដ្ឋអាមេរិក កាលពីរសៀលថ្ងៃទី ១ ខែវិច្ឆិកា ឆ្នាំ២០១៣នេះ។
សូមចុចអាន៖ បកក្រោយមើលសិល្បករជើងចាស់តិចទៅមើល នៅចាំបាននរណាខ្លះ?
នៅក្នុងគេហទំព័រមួយបានចុះផ្សាយថា តារាសម្ដែងស្រី ដែលគេធ្លាប់និយាយថា ជាមនុស្ស ស្រីស្រឡាញ់ស្រី នាងអ៊ិន វរល័ក្ខណ៍ទេពី បានលេចមុខឲ្យក្រឡឺមនៅលើទឹកដីសហរដ្ឋអាមេរិកគួរឲ្យភ្ញាក់ ផ្អើល ដោយមានបុរសអាណិកជនខ្មែរម្នាក់តាមស្អិតដូចតុកកែ ហើយថែមទាំងបានធ្វើខួបកំណើតឲ្យនាងរំភើបចិត្តទៀតផង។
នៅក្នុងសេចក្ដីរាយការណ៍នោះបន្ថែមថា ភាព ស្និទ្ធស្នាលបែបនេះ ត្រូវបានមហាជនលើកឡើងថា តារាស្រីរូបនេះទំនងមិនបានរាងចាលជាមួយនឹងភាពឈឺចាប់កន្លងមក ដែលនាងបានទទួលរងការចោទប្រកាន់ពីសំណាក់បុរសអាណិកជនអាមេរិក ម្នាក់ថា នាងបានបោកប្រាស់ប្រាក់របស់គេអស់ជាង៣ម៉ឺនដុល្លារនោះទេ។
សូមចុចអាន៖ គួច ខេវិន ដើរចេញពីអាស៊ីអាគ្នេយ៍
ទេពី សរសេរសារប្រតិកម្មចំពោះអ្នកកាសែត នៅលើ Wall របស់នាង
“រឿងអាណិកជននោះវាបានបញ្ចប់ហើយ ហើយខ្ញុំក៏បានដាក់ពាក្យប្ដឹងដើម្បីការពារកិត្តិយសរបស់ខ្ញុំដែរ ហើយហេតុអ្វីពួកគេសរសេរដដែលជាដដែលបែបនេះ។ ខ្ញុំគិតថា មនុស្សគ្រប់រូបសុទ្ធតែចង់បានកិត្តិយសចុះហេតុអ្វីអ្នកកាសែតចេះតែសរសេរអាក្រក់ពីខ្ញុំ ហើយរឿងល្អមិនសរសេរនោះទេ ខ្ញុំឆ្ងល់ណាស់បង!”។ កញ្ញាទេពី និយាយ។
កញ្ញាបានបន្ថែមទៀតថា នៅពេលនាងត្រឡប់មកដល់ប្រទេសកម្ពុជាវិញ នាងនឹងធ្វើការបកស្រាយរឿងនេះឲ្យបានច្បាស់លាស់ ហើយនាងចង់ជួបអ្នកកាសែតនោះ ដើម្បីបង្ហាញភស្តុតាងមួយចំនួនពីភាពស្អាតស្អំរបស់នេះ។
ចំណែករឿងស្រឡាញ់ស្រីដូចគ្នា កញ្ញាទេពី ក៏បានដាក់ជាចម្ងល់ដែរថា “ខ្ញុំឆ្ងល់មែនទែន នៅពេលខ្ញុំដើរជាមួយស្រីៗ គេថា ខ្ញុំភេទទីបី ចុះពេលខ្ញុំដើរជាមួយមនុស្សប្រុសគេថា ខ្ញុំនឹងមានទំនាក់ទំនងស្នេហា បើអញ្ចឹងតើខ្ញុំត្រូវធ្វើម៉េចទៅ?”។
សូមចុចអាន៖ អ្នកពូកែរិះគន់ផលិតកម្មរឿងចម្លងស្នាដៃពីបរទេស ធ្លាប់ទិញ CD Original ស្ដាប់ទេ?
កញ្ញា អ៊ិន វរលក្ខណ៍ទេពី បានប្រឡូកក្នុងជីវិតសិល្បៈតាមរយៈការប្រឡងកម្មវិធីស្រី ស្អាតប្រុសស្អាតរបស់បណ្ដាញស្ថានីយទូរទស្សន៍ស៊ីធីអិន កាលពីឆ្នាំ២០០៥ ដោយនាងបានទទួលចំណាត់ថ្នាក់លេខ១ ហើយនាងក៏បានទទួលការងារពីស្ថានីយទូរទស្សន៍មួយនេះភ្លាមៗតែម្តង ក្នុងនាមជាពិធីការិនីវ័យក្មេង។
ទើបតែសាងកេរ្តិ៍ឈ្មោះលើ វិថីសិល្បៈ ទេពី ក៏បានទទួលរងការចោទប្រកាន់ពីសំណាក់បុរស អាណិកជនអាមេរិកថា នាងបានបោកប្រាស់ប្រាក់របស់គេជាង ៣ ម៉ឺនដុល្លារ តែតារារូបនេះក៏បានដាក់ពាក្យបណ្ដឹងភ្លាមៗ ចំពោះការចោទប្រកាន់គ្មានមូលដ្ឋាននោះទៅកាន់សាលាដំបូងរាជធានីភ្នំពេញដែរ។
បន្ទាប់ពីមានរឿងអាស្រូវនេះ នាងហាក់បាត់បង់ប្រជាប្រិយភាព ប៉ុន្ដែតារាសម្ដែងរូបនេះ បានច្បាមយកប្រជាប្រិយភាពរបស់នាងបានមកវិញ បន្ទាប់ពីនាងបានចូលសម្ដែងតាមរយៈភាពយន្ដភាគរបស់ ស្ថានីយទូរទស្សន៍ MyTV គឺរឿង “កូនប្រសាអ្នកទីក្រុង” នៅឆ្នាំ ២០១៣នេះ៕
អត្ថបទ៖ ប៊ិន ប៊ុណ្ណា
រូបថត៖ facebook អ៊ិន វរល័ក្ខណ៍ទេពី
0 comments:
Post a Comment