នៅថ្ងៃទី២៨ ខែវិច្ឆិកា ទស្សនាវដ្ដីជប៉ុនមួយបានចុះផ្សាយថា បន្ទាប់ពីតារាចម្រៀង Nicole ដើរចេញពីក្រុម KARA ដោយមានហេតុផលចំនួនពីរគឺ នាងអាចទៅរៀននៅសហរដ្ឋអាមេរិក ឬបើកហាងនំប៉័ងនៅសង្កាត់ Shibuya ទីក្រុងតូក្យូ ប្រទេសជប៉ុន។
Nicole បានចាកចេញពីក្រុម KARAបើទោះជាការចរចាជាមួយខាងផលិតកម្មមិនទាន់ដាច់ស្រេចនៅឡើយក៏ដោយ។
ទស្សនាវដ្ដី Josei Jisin បានសរសេរថា “ចាប់ពីខែកុម្ភៈឆ្នាំក្រោយនេះ Nicole ចង់ទៅរៀននៅសហរដ្ឋអាមេរិករយៈពេលកន្លះឆ្នាំ។ ការសិក្សានៅបរទេសនេះគឺ ជាហេតុផលដែលនាងដើរចេញពីក្រុម KARA។
ទស្សនាវដ្ដីនោះក៏បាននិយាយដែរថា Nicole មានគម្រោងបើកហាងនំប៉័ងនៅជប៉ុន “Nicole មានទេពកោសល្យផ្នែកដុតនំប៉័ង និងនំគុកគី ហើយនាងក៏ធ្លាប់គិតចង់បើកហាងលក់នំផ្ទាល់ខ្លួនមួយផងដែរ។ នាងកំពុងស្វែងរកទីតាំងនៅ Shibuya ហើយបានបន្ថែមទៀតថា បច្ចុប្បន្នម្ដាយរបស់នាងក៏មានហាងលក់អាហារកូរ៉េផងដែរនៅ Nakameguro”។
អត្ថបទពាក់ព័ន្ធ៖ KARA ជួបគ្រោះធំព្រោះសមាជិកម្នាក់ដើរចេញ ម្នាក់ទៀតចង់ផ្ដោតលើការសិក្សា
តាំងពី Nicole ចាកចេញពីផលិតកម្ម DSP មក មានពាក្យចចាមអារ៉ាមជាច្រើនទាក់ទងនឹងនាងទៅរៀននៅបរទេស ចាប់ផ្ដើមសម្ដែងម្នាក់ឯង ឬក៏បើកហាងនំប៉័ង ក៏ប៉ុន្តែមិនទាន់មានអ្វីបញ្ជាក់ជាផ្លូវការណ៍នៅឡើយទេ រួមទាំងព័ត៌មានដោយទស្សនាវដ្ដី Josei Jisin នេះមួយទៀត។ រាល់ព័ត៌មានទាំងអស់ច្រើនតែយោងតាមសម្ដីអ្នកសិល្បៈដែលមិនបញ្ចេញឈ្មោះប៉ុណ្ណោះ។ គេមិនទាន់ដឹងច្បាស់នៅឡើយថាតើ Nicole មានគម្រោងយ៉ាងណាសម្រាប់ថ្ងៃអនាគត៕
0 comments:
Post a Comment