កូនថៅកែហាង នំបុ័ងនៅផ្លូវជាតិលេខ២ ផឹកស្រាស្រវឹង ជិះរថយន្តឡង់រ៉ូវែ បុកគេស្លាប់ពីរនាក់ នៅក្រុងតាខ្មៅ
ភ្នំពេញ៖ មនុស្សពីរនាក់ បានស្លាប់ នៅក្នុងហេតុការណ៍ គ្រោះថ្នាក់ចរាចរ កាលពីយប់ ម៉ោង៩និង៣០នាទី ស្ថិត ក្នុងភូមិព្រែកឬស្សី សង្កាត់ព្រែកឬស្សី ក្រុងតាខ្មៅ ដោយសាររថយន្ត ឡង់រ៉ូវែ មួយគ្រឿងពាក់ ស្លាក់លេខ ភ្នំពេញ 2w-1119 បើកបរដោយឈ្មោះ ឈន ទិត ភេទប្រុស អាយុ២២ឆ្នាំ រស់នៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ត្រូវបានសមត្ថកិច្ចបញ្ជាក់ថា ជាកូនថៅកែហាង នំបុ័ង នៅផ្លូវជាតិលេខ២ ។
តាមរបាយការណ៍សមត្ថកិច្ច បានបញ្ជាក់ថា មុនកើតហេតុអ្នកបើករថយន្ត បានចេញពីកម្មវិធី ខួបកំណើតនៅ កោះពេជ្រ ដោយអាការៈស្រវឹងជោគ លុះទៅដល់ចំណុច កើតហេតុមុនផ្ទះលោកស្រី នុត សុខុម ស្ថិតក្នុងភូមិ ព្រែកឬស្សី សង្កាត់ព្រែកឬស្សី ក្រុងតាខ្មៅ បានបុកជាមួយជានឹង ម៉ូតូ Honda Cub C90 ពណ៌ខៀវ ពាក់ស្លាក់លេខ គ០០៥១ កច១ ជិះគ្នាពីរនាក់ ម្នាក់ឈ្មោះ ជួន រិទ្ធ ភេទប្រុស អាយុ២៦ឆ្នាំ រស់នៅក្រុងតាខ្មៅ នឹងម្នាក់ទៀតជាស្ត្រី ឈ្មោះ សុខ ដានី ភេទស្រី អាយុ២២ឆ្នាំ រស់នៅស្រុកលើកដែក ខេត្តកណ្តាល បណ្តាលឲ្យអ្នកទាំងពីរ បានស្លាប់ ដោយម្នាក់ ស្លាប់នៅកន្លែងកើតហេតុ នឹងម្នាក់ទៀតបានស្លាប់ពេល បញ្ជូនទៅដល់មន្ទីរពេទ្យ ។
ករណីគ្រោះថ្នាក់ចរាចរនេះ ត្រូវបានបញ្ជាក់ថាករណីនេះ បង្កឡើងដោយអ្នកបើករថយន្ត និងមានភាពស្រវឹងជោគ រហូតទៅដល់កម្រិតជាតិអាកុល 0,71Mg/L ៕
0 comments:
Post a Comment