ជំងឺរលាកថ្លើម គឺជា ការរលាកនៃកោសិការថ្លើម ដែលបង្ករឡើងដោយកត្តាជាច្រើន ដូចជា ជាតិអាល់កុល រឺដោយសារពពួកមេរោគ។ ជំងឺរលាកថ្លើមប្រភេទសេ បង្ករឡើងដោយ វីរុសអេប៉ាទីតសេ (Hepatitis C Virus)ដែលមេរោគនេះមិនអាចការពារដោយ ប្រព័ន្ធភាពសុំារបស់យើងបានឡើយ។
ជំងឺរលាកថ្លើមប្រភេទសេ អាចចម្លងបានតាមឈាមតាមរយៈការប្រើម្ចុល ឬស៊ីរុំាងរួមគ្នា តាមស្បែកដែលមានរបួស ការបញ្ចូលឈាម ការសាក់ ការរួមភេទ និងការចម្លងពីម្តាយទៅកូន។ ទោះជាយ៉ាងណាក៏ដោយចំពោះជំងឺរលាកថ្លើមប្រភេទសេ ស្ត្រីអាចបំបៅដោះកូនបានតាមធម្មតា។ ចំពោះការចម្លងតាមលក្ខណៈគ្រួសារ គឺកំរនឹងកើតមានណាស់ (ដោយគ្រាន់តែការប៉ះពាល់គ្នា រស់នៅជាមួយគ្នា រឺញ៉ាំអារហារជាមួយគ្នានោះ)។
អ្វីដែលគ្រោះថ្នាក់បំផុតគឺវីរុសនៅតែបន្តកើនឡើងក្នុងឈាម។ វាកើតឡើងអំឡុងពេលការរលាក ភ្លាមៗ ឬប្រសិនបើប្រព័ន្ធភាពសុំាយើងចុះខ្សោយ។ ឩទាហរណ៍ៈ នៅពេលដែលមនុស្សម្នាក់មានទាំងជំងឺអេដស៍ និងជំងឺរលាកថ្លើមនោះ ប្រព័ន្ធភាពសុំារបស់គាត់មិនអាចអភិវឌ្ឍដើម្បីប្រឆាំងជាមួយវីរុសរលាកថ្លើមបានទេ៕
0 comments:
Post a Comment