កម្មវិធីថតរូបចេញរូបភាពតុក្កតាមានជាភាសាខ្មែរហើយ
ប្រហែលជាមួយខែមុននេះ មិត្តអ្នកអានប្រាកដជាធ្លាប់បានឃើញហើយថា យុវវ័យដែលជាអ្នកលេងហ្វេសបុកក្នុងប្រទេសយើងទាំងអស់ បាននាំគ្នាប្ដូ Profile Picture ទៅជារូបតុក្កតាស្ទើរតែគ្រប់ៗគ្នា។ កម្មវិធីដែលធ្វើឱ្យកក្រើកហ្វេសបុកនោះ មានឈ្មោះថា 魔漫相机 ជាកម្មវិធីភាសាចិន ប៉ុន្តែឥឡូវនេះកម្មវិធីមានជាភាសាខ្មែរយើងហើយ។
យុវជន ឆូយ ប៊ុនសុខខេង ជាអ្នកបកប្រែកម្មវិធីនេះផ្ទាល់បានប្រាប់ nob70 ថា ដោយយល់ឃើញថាកម្មវិធីនេះកំពុងមានការពេញនិយមពីមិត្តយុវវ័យក្នុងស្រុក ណាមួយកម្មវិធីនេះជាភាសាចិនអាចនឹងពិបាកដល់អ្នកមិនចេះភាសាចិន ដូច្នេះយុវជនរូបនេះក៏ព្យាយាមបកប្រែកម្មវិធីដើម្បីចែករំលែកដល់អ្នកប្រើប្រាស់ទាំងអស់គ្នាម្ដងទៅ។
សុខខេង បានបន្តថា “ហេតុផលមួយទៀតនោះគឺ ខ្ញុំចង់លើកស្ទួយភាសាខ្មែរយើង តាមរយៈកម្មវិធីផ្សេងៗលើ Smartphone “។ កន្លងមកនេះប្អូនក៏ធ្លាប់បានបកប្រែកម្មវិធីរបស់ Android ជាច្រើនដែរ ប៉ុន្តែគ្រាន់តែកម្មវិធីមុនៗនោះ ឥឡូវគេ Update អស់ហើយ។
ដើម្បីបានកម្មវិធីនេះជាភាសាខ្មែរ យុវជនរូបនេះបានធ្វើការជាមួយយុវតីមួយរូបដែលបានស្គាល់គ្នាតាមរយៈហ្វេសបុក ហើយត្រូវចំណាយពេលអស់ ២ សប្ដាហ៍ទើបសម្រេចចេញជាលទ្ធផល។ កម្មវិធីដែលបកប្រែពីកម្មវិធីរបស់ក្រុមហ៊ុនចិន Bejing BSHN wenhua chuanbo Ltd នេះ គឺមានមុខងារដូចកម្មវិធីដើមអីចឹងដែរ ប៉ុន្តែដើម្បីថតរូបហើយចែករំលែករូបភាពនោះទៅលើ Facebook, Line, WeChat ឬ ក៏Viber នោះយើងត្រូវភ្ជាប់ Account របស់យើងទៅក្នុងទូរសព្ទជាមុនសិន។
ចុចទីនេះ ដើម្បីទាញយកកម្មវិធី Magic Man Camera ជាភាសាខ្មែរ៕
ដោយ nob70
ប្រភពពី៖ www.nob70.com
0 comments:
Post a Comment