កាមរីឆ្លាមបើកបុកម៉ូតូឌ្រីមរបួសធ្ងន់ ២នាក់ រួចបើករត់គេចបាត់ស្រមោល
រាជធានីភ្នំពេញ ៖ មនុស្សប្រុសស្រី ២នាក់ បានរងរបួសធ្ងន់ ខណៈដែលម៉ូតូឌ្រីមC125 ពណ៌ខ្មៅ ១គ្រឿង ពាក់ស្លាកលេខ កណ្តាល 1L-2359 ជិះដោយបុរសស្រ្តី ២នាក់ ធ្វើដំណើរតាមបណ្តោយផ្លូវ១៩៨៦ ក្នុងទិសដៅពីកើតទៅលិច លុះមកដល់កែងផ្លូវ១០១១ ជាចំណុចផ្លូវបែកជា៣ ក៏ត្រូវរថយន្តកាមរីឆ្លាម ១គ្រឿង ពណ៌ខ្មៅ អត់ស្គាល់ស្លាកលេខ បើកបរដោយបុរសម្នាក់ ដែលបើកតាមផ្លូវ១០១១ ក្នុងទិសដៅពីជើងទៅត្បូង បុកចំពីមុខពីមុខពេញទំហឹងតែម្តង ហើយរថយន្តបង្កបានបើករត់គេចបាត់ស្រមោល។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១ និង ៤០នាទី យប់រំលងអាធ្រាត្រឈានចូលថ្ងៃទី២១ វិច្ឆិកា ២០១៣ ស្ថិតក្នុងសង្កាត់ភ្នំពេញថ្មី ខណ្ឌសែនសុខ។ ក្រោយកើតហេតុ ជនរងគ្រោះត្រូវរថយន្ត សាមុយដឹកយកទៅសង្រ្គោះនៅមន្ទីរពេទ្យ ចំណែកម៉ូតូសមត្ថកចិ្ចយកទៅរក្សាទុកនៅ អធិការដ្ឋាននគរបាលខណ្ឌសែនសុខ៕
0 comments:
Post a Comment