Window 8.1 ចេញ​អោយប្រើ​ហើយ​

Microsoft  បានដាក់​ចេញ​នូវ Window 8.1 ដែលជា Version គេ​កំពុង​រង់ចាំ អោយដល់​អ្នក​ប្រើ Window 8 សំរាប់​ធ្វើការ Upgrade ដោយ​ឥតគិតថ្លៃ កាលពី​ថ្ងៃ​ព្រហស្បតិ៍ សប្តាហ៍​នេះ​។​​គួរ​រំលឹក​ផងដែរ​ថា  Window 8 ជា​ប្រព័ន្ធ​ប្រតិបត្តិការ​មួយ​ដែលមាន​លក្ខណៈ​ប្លែក​ពី​ប្រព័ន្ធ​ប្រតិបត្តិការ​នៃ​កុំព្យូទ័រ​ផ្សេងៗ ត្រង់​ថា​វា​ព្យាយាម​ចង់​ផ្តល់អោយ​ទាំង​ព្រម​នូវ​លក្ខណៈ​ប្រតិបត្តិការ​ពីរ​ដល់​អ្នក​ប្រើ​របស់​គឺ​ប្រព័ន្ធ​ប្រតិ​ប​តិ្ត​ការ​របស់ Tablet និង​កុំព្យូទ័រ​នៅក្នុង​ប្រព័ន្ធ​ប្រតិ​ប​តិ្ត​ការ​កុំព្យូទ័រ​តែមួយ​។​

​ប៉ុន្តែ​ដោយមាន​ការលើកឡើង​ពី​បញ្ហា​នៃ​ភាពមិន​ស៊ាំ​ជាមួយនឹង​ការផ្លាស់ប្តូរ​ខ្លាំងពេក​នៃ​ប្រព័ន្ធ​ប្រតិបត្តិការ​ថ្មី​នេះ Microsoft បានធ្វើការ​រយៈពេល មួយឆ្នាំ​ហើយ​បានចេញ​នូវ Version Widow 8.1​។ ជាមួយនឹង window 8.1 វា​មានការ​កែប្រែ និង​ដោះស្រាយ​នូវ​បញ្ហា​មួយចំនួន​ដែល​អតិថិជន Window 8 បានលើកឡើង​។

ភាពខុសគ្នា​រវាង Window 8.1 ទៅលើ Window 8 ៖

-​វា​មាន Botton Start Me Up ដូច​ការ​ពី Window 7 វិញ​

-​វា​ផ្តល់​ជំរើស​ក្នុងការ​ជ្រើស Mode នៃ​ប្រព័ន្ធ​ប្រតិបត្តិការ​ដោយ​អ្នក​ប្រើ​អាច​ជ្រើស​យក Destop Mode សំរាប់​ការមិន​ចង់​ប្រើ​ប្រព័ន្ធ​ប្រតិបត្តិការ​ដែលមាន​លក្ខ​ណៈ​ដូច Touch Screen​។​

-​ចំពោះ Keyboard on Screen វា​បន្ថែម​ភាពងាយស្រួល​ក្នុង​ការចង់​ចុច​លេខ​រឺ​សញ្ញា​។​

-​បន្ថែម​ការឆ្លើយតប​នឹង​កាយវិការ​របស់​អ្នក​ប្រើ​តាមរយៈ Camera​។ ឧទាហរណ៍​៖ ក្រវៀសដៃ​ទៅ​ឆ្វេង តំរូវអោយ​វា​បើក​កម្មវិធី Bing Food and Drink​។​
-Update ដោយ​ស្វ័យប្រវត្តិ និង​មានការ​បន្ថែម​លក្ខណៈ​មួយចំនួនទៀត​ដែល​ជួយ​សំរួល​ដល់​អ្នកប្រើប្រាស់​។​