ថ្នាំ statins អាចមិនប៉ះពាល់ដល់ការចងចាំ និងការគិតនោះទេ
នេះគឺជាព័ត៌មានល្អចំពោះអ្នកដែលប្រើថ្នាំ statin ដើម្បីបន្ថយកូឡេស្តេរ៉ុលនោះ។ ការស្រាវជ្រាវថ្មីបានបង្ហាញថា មិនមានភស្តុតាងណាបង្ហាញថា ថ្នាំនេះធ្វើអោយមានហានិភ័យដល់មុខងាររបស់ខួរក្បាលនោះទេ។ ជំនួសនេះ, ការស្រាវជ្រាវបានលើកឡើងថា ថ្នាំ statins អាចបន្ថយហានិភ័យនៃជំងឺវង្វេងទៅវិញ ទោះបីជាអ្នកស្រាវជ្រាវបាននិយាយថា វាមិនប្រាកដក៏ដោយ។អ្នកឯកទេសដែលមានជំនាញលើជំងឺនៃសរសៃឈាមបាននិយាយថា វានៅតែជាការគិតចំពោះ គ្រូពេទ្យដើម្បីអោយអ្នកជំងឺប្រើថ្នាំនេះ ឬបញ្ឈប់ប្រសិនបើពួកគេមាន សញ្ញានៃបញ្ហានៃ ការយល់ ដឹងនោះ។
វេជ្ជបណ្ឌិត សេត ម៉ាទីន (Seth Martin) ដែលមកពីមន្ទីរពេទ្យ Johns Hopkins បាន និយាយថា ការស្រាវជ្រាវថ្មីនៅតែមិនទាន់ជាក់លាក់។ ថ្នាំ statins ដូចជាថ្នាំ Zocor និងថ្នាំ Lipitor ត្រូវបានគេប្រើប្រាស់ដើម្បី បន្ថយកម្រិត កូឡេស្តេរ៉ុល។ ក្នុងឆ្នាំ ២០១២, រដ្ឋបាលចំណីអាហារ និងឪសថអាមេរិកបានព្រមាន ដល់អ្នកប្រើ ប្រាស់អំពី ការប៉ះពាល់លើមុខងាររបស់ខួរក្បាលដូចជា ការបាត់បង់ការចងចាំនិងការភ្លេចភ្លាំង។ ការហាមប្រាណនេះក៏មាននៅលើស្លាកសញ្ញានៃកញ្ចប់ថ្នាំផងដែរ។
ម៉ាទីនបាននិយាយថា ខណៈពេលដែលបញ្ហាដែលពាក់ព័ន្ធនឹងមុខងាររបស់ខួរក្បាលកម្រនឹងកើតមាននោះ, សារដែលត្រូវបានទទួលដោយមនុស្សទូទៅ គឺថា នេះគឺជាការព្រួយបារម្ភដ៏ធំមួយដែលមនុស្សត្រូវការពិគ្រោះជាមួយនឹងគ្រូពេទ្យ។ ម៉ាទីន និងមិត្តរួមការងារបានសម្រេចចិត្តមើលទៅលើគ្រប់ការស្រាវជ្រាវទាំងអស់ ដែលពួកគេអាចរកឃើញនូវទិដ្ឋភាពដែលជាហានិភ័យដែលអាចនឹងកើតមាននោះ។ បន្ទាប់មកពួកគេក៏បានសំដៅទៅលើការស្រាវជ្រាវដែលពួកគេគិតថាមានគុណភាពខ្ពស់។ ដោយយោងទៅលើការស្រាវជ្រាវ ៨, អ្នកស្រាវជ្រាវមិនបានរកឃើញថា អ្នកជំងឺដែលប្រើថ្នាំនេះក្នុងរយៈពេលខ្លី ប្រឈមមុខនឹងការកើនឡើងហានិភ័យនៃបញ្ហាដែលទាក់ទងនឹងមុខងាររបស់ខួរក្បាលនោះទេ។ វេជ្ជបណ្ឌិត គ្រីស្តូហ្វឺរ ស្វីហ្គ័រ (Kristopher Swiger) ដែលជាគ្រូពេទ្យដែលមកពីមន្ទីរពេទ្យ Johns Hopkins បាននិយាយថា យើងមិនបានរកឃើញមូលហេតុដែលគួរអោយព្រួយបារម្ភនោះទេ៕
0 comments:
Post a Comment