Roma បានបំបែកកំណត់ត្រារបស់ Juventus បានហើយ ដោយអាចឈ្នះ៩ប្រកួតជាប់គ្នាក្នុង៩ប្រកួតដើមរដូវកាល Italy Serie A ក្រោយយកឈ្នះ Udinese ១-០ យប់មិញនេះ។
កំណត់ត្រា១០០% ស្ទើរតែមិនអាចបន្តបានដល់ប្រកួតទី៩នេះទៅហើយ ក្រោយខ្សែការពារ Maicon ទទួលកាតលឿងលើកទី២នៅនាទី៦៥ ខណៈលទ្ធផលបណ្ដោះអាសន្នកំពុងស្មើគ្នា ០-០។ យ៉ាងណាក្ដី Michael Bradley បានរកគ្រាប់ជ័យជម្នះឲ្យក្រុមនេះទាល់តែបាន នៅ៨នាទីមុនចប់ការប្រកួត។
ក្រុមដែលទើបរបូតគ្រាប់បាល់តែ១គ្រាប់ក្នុងរដូវកាលនេះ នៅតែឈរកំពូលតារាងដដែល ដោយកាន់២៧ពិន្ទុពេញ លើសក្រុមគូប្រជែង Napoli និង Juventus ៥ពិន្ទុ។
Bradley ស៊ុត បញ្ចូល ទី ឲ្យ Roma
Juventus ជាម្ចាស់កំណត់ត្រាចាស់ក្នុងនាមជាក្រុមដែលឈ្នះជាប់គ្នាច្រើនប្រកួតក្នុងការចាប់ផ្ដើមរដូវកាល ពោលគឺឈ្នះ៨ប្រកួតជាប់គ្នា។ ក្រៅពីបង្កើតកំណត់ត្រាថ្មីនៅក្នុងប្រវត្តិសាស្រ្ដ Italy Serie A ក្រុមលោក Rudi Garcia ក៏សង្ឃឹមថានឹងអាចឈ្នះពានលីកកំពូលរបស់អ៊ីតាលីនេះ ជាលើកទី១ផងដែរ គិតចាប់តាំងពីរដូវកាល ២០០០-២០០១ មក។
លទ្ធផល៩ប្រកួតកន្លងមករបស់ Roma រដូវកាលនេះ៖
| កាលបរិច្ឆេទ | លទ្ធផល |
| ២៥ សីហា | ឈ្នះ Livorno ២-០ (ភ្ញៀវ) |
| ១ កញ្ញា | ឈ្នះ Verona ៣-០ (ម្ចាស់ផ្ទះ) |
| ១៦ កញ្ញា | ឈ្នះ Parma ៣-១ (ភ្ញៀវ) |
| ២២ កញ្ញា | ឈ្នះ Lazio ២-០ (ម្ចាស់ផ្ទះ) |
| ២៥ កញ្ញា | ឈ្នះ Sampdoria ២-០ (ភ្ញៀវ) |
| ២៩ កញ្ញា | ឈ្នះ Bologna ៥-០ (ម្ចាស់ផ្ទះ) |
| ៥ តុលា | ឈ្នះ Inter Milan ៣-០ (ភ្ញៀវ) |
| ១៨ តុលា | ឈ្នះ Napoli ២-០ (ម្ចាស់ផ្ទះ) |
| ២៧ តុលា | ឈ្នះ Udinese ១-០ (ភ្ញៀវ) |
តារាងចំណាត់ថ្នាក់
តើ Roma នឹងអាចរក្សាកំណត់ត្រាឈ្នះជាប់គ្នានេះ បានយូរប៉ុណ្ណាទៀតដែរ?
អត្ថបទទាក់ទង៖ Roma ខ្លាំងអស់ស្ទះ លត់ Napoli បន្តកំណត់ត្រាឈ្នះរហូត
ប្រែសម្រួល៖ សុខ សុវត្ថិ
ប្រភព៖ bbc, រូបភាព៖ fifa
0 comments:
Post a Comment