រថយន្តខ្នាតតូចសែស្រឡាយBMW ម៉ាកMini Cooper ចេញស៊េរី ២០១៤ហើយកាលពីប៉ុន្មានថ្ងៃមុននេះ។
ក្រុមហ៊ុនអះអាងថា Cooper ជំនាន់ថ្មីដែលត្រៀមនឹងបង្ហាញខ្លួននៅក្នុងពិព័រណ៍រថយន្តឡូសអេនជឺលេស ចន្លោះពីថ្ងៃទី ២២ វិច្ឆិកា ដល់ ថ្ងៃទី ១ ធ្នូ ២០១៣ ខាងមុខនេះ បានបំពាក់បន្ថែមបច្ចេកវិទ្យាថ្មី ទំនើបជាច្រើន ដូចជា ប្រព័ន្ធហ្វ្រាំងសុវត្ថិភាពស្វ័យប្រវត្តិ ដែលអាចគ្រប់គ្រងគ្រោះថ្នាក់ដោយការប៉ះទង្គិច (ទាំងយានជំនិះ និង អ្នកដំណើរតាមដងផ្លូវ) ព្រោះមានកាមេរ៉ាចាប់យកសកម្មភាពនៅពីមុខឡាន ក្នុងល្បឿនលឿនបំផុត ៦០គម/ម។
Mini Cooper 2014 ពណ៌ខ្មៅ
មិនតែមានSystem គ្រប់គ្រងស្ថានការណ៍ឆ្លាតវៃ ប៉ុណ្ណោះទេ ប៉ុន្តែMini Cooper ត្រៀមចេញខែវិច្ឆិកា ខាងមុខនេះ ក៏បានបំពាក់ប្រព័ន្ធប្រកាសអាសន្នទៀតផង ប្រសិនបើកាមេរ៉ាសុវត្ថិភាពចាប់បានថា រថយន្តកំពុងស្ថិតក្នុងស្ថានភាពគ្រោះថ្នាក់។
ក្រុមហ៊ុនមិនទាន់បានប្រកាសព័ត៌មានលំអិត ពីCooper ស៊េរី ២០១៤ ទេប៉ុន្តែខាងក្រោមនេះជាការបង្ហើបឲ្យដឹងមួយចំនួន៖
@: កម្លាំងថាមពល ១៩៥សេះ
@: ទំហំម៉ាស៊ីន ១៥០០សេសេ
តម្លៃក៏ក្រុមហ៊ុនមិនទាន់បានបញ្ជាក់ឲ្យដឹងនៅឡើយដែរ ប៉ុន្តែសារព័ត៌មានជាច្រើនបញ្ជាក់ថា នឹងចេញលក់លើទីផ្សារអន្តរជាតិនៅ ចុងត្រីមាសដំបូងឆ្នាំ ២០១៤។
កាមេរ៉ាតាមដានសកម្មភាពនៅផ្នែកខាងមុខរថយន្ត ដើម្បីបញ្ជាទៅកាន់ប្រព័ន្ធគ្រប់គ្រងឆ្លាតវៃ
Mini Cooper ជាស្លាកសញ្ញាមួយជ្រកក្រោម BMW របស់អាលឺ្លម៉ង់ ហើយកាលពីឆ្នាំ ២០១២កន្លងទៅនេះ ទាំងCooper, BMW និង Roll-Royce លក់បាន ប្រហែល ១,៨៥ លានគ្រឿង។ អានព័ត៌មានលំអិត ចុចទីនេះ
ថ្វីត្បិតតែមិនទាន់បានកំណត់តម្លៃ ប៉ុន្តែនៅប្រទេសកម្ពុជាគេសង្កេតឃើញមានយានយន្តជជុសកំពុងចរាចរដែលតម្លៃ Mini Cooper ចាប់ពី ១ម៉ឺនដុល្លារអាមេរិកឡើងទៅ អាស្រ័យទៅតាមស៊េរីរថយន្ត។
យល់យ៉ាងណាចំពោះរូបរាង និងការវិវត្តរបស់Mini Cooper ស៊េរីថ្មីនេះ?
0 comments:
Post a Comment