ក្លិបហង្សក្រហម Liverpool បានឡើងឈរកំពូលតារាង Premier League បណ្ដោះអាសន្ន ក្រោយយកឈ្នះ Crystal Palace ៣-១ យប់មិញនេះ។ ជាមួយគ្នានេះដែរ ក្លិបមេឃខៀវ Manchester City ក៏បានយកឈ្នះ ៣-១ ដូចគ្នា គឺឈ្នះក្រុមមិនដែលចាញ់ Everton។
Sturridge និង Suarez អ្នករកគ្រាប់បាល់បញ្ចូលទីឲ្យ Liverpool
Luis Suarez និង Daniel Sturridge នៅតែជាដៃគូខ្សែប្រយុទ្ធដ៏មុតស្រួចសម្រាប់ក្រុមលោក Brenden Rodgers ដដែល ពោលគឺបានស៊ុតបញ្ចូលទីម្នាក់១គ្រាប់នៅនាទី១៣ និង១៧ មុនពេលប្រធានក្រុម Steven Gerrard បន្ថែមមួយគ្រាប់ទៀតនៅនាទី៣៨ ដោយការស៊ុតបាល់ពិន័យ១១ម៉ែត្រ។ ឈានចូលតង់ទី២ ក្រុម Crystal Palace បានសងមួយគ្រាប់វិញផងដែរនៅ១៣នាទីមុនចប់ការប្រកួត ដោយកីឡាករ Dwight Gayle។
ជ័យជម្នះនេះបានធ្វើឲ្យ Liverpool ឡើងលើ Arsenal ១ពិន្ទុ ប៉ុន្តែកាំភ្លើងធំនឹងអាចដណ្ដើមតំណែងកំពូលនេះមកវិញ ប្រសិនបើឈ្នះ West Brom យប់ថ្ងៃអាទិត្យនេះ។
គ្រាប់បាល់ដែល Man City តាមស្មើ Everton
ចំណែក Everton វិញ បានស្គាល់ជាតិចាញ់ជាលើកដំបូងក្រោមថ្វីជើង Man City។ ទោះបីជាបាននាំមុខមុននៅនាទី១៦ ដែលធ្វើបានដោយខ្សែប្រយុទ្ធខ្ចីជើងពី Chelsea, Romelu Lukaku ក៏ដោយ ក៏ក្រុមលោក Roberto Martinez មិនអាចរក្សាកំណត់ត្រាមិនចាញ់បានទៀតទេ ពោលគឺត្រូវក្រុមលោក Manuel Pellegrini សងវិញដល់ទៅ៣គ្រាប់។ ៣គ្រាប់នោះគឺធ្វើបានដោយខ្សែប្រយុទ្ធ Alvaro Negredo (នាទី១៧), Sergio Aguero (នាទី៤៥) និងការធ្វើឲ្យចូលទីខ្លួនឯងរបស់ខ្សែអ្នកចាំទី Tim Howard។ បាល់ចូលទីខ្លួនឯងនោះ គឺកើតចេញពីការស៊ុតបាល់ពិន័យ ១១ម៉ែត្ររបស់ Aguero បន្ទាប់ពី Seamus Coleman បង្កកំហុសលើ Pablo Zabaleta។
លទ្ធផលគូផ្សេងទៀតវិញ គឺសារិកាព្រៃ Newcastle យកឈ្នះម្ចាស់ផ្ទះ Cardiff ២-១។ ២គ្រាប់របស់ Newcastle ធ្វើបានដោយខ្សែប្រយុទ្ធបារាំង Loic Remy ខណៈ Peter Odemwingie ជាអ្នកសង១គ្រាប់ឲ្យ Cardiff។ ចំណែក Darren Bent បានជួយឲ្យ Fulham យកឈ្នះក្រុមភ្ញៀវ Stoke City ១-០ ខណៈ Hull និង Aston Villa បញ្ចប់ទៅក្នុងលទ្ធផលស្មើ ០-០។
ងាកទៅមើលក្រុមជើងឯកចាស់ឯណោះវិញ ស្ទើរតែចាញ់ទៀតទៅហើយ ប៉ុន្តែបានកីឡាករវ័យក្មេងក្មេង Adnan Januzaj រកបាន២គ្រាប់នៅតង់ទី២ បន្ទាប់ពី Craig Gardner ជួយឲ្យឆ្មាខ្មៅ Sunderland នាំមុខនៅដើមតង់ទី១៕
Adnan Januzaj ជួយឲ្យ Man Utd វាយបកយកឈ្នះ Sunderland
តារាងពិន្ទុក្រោយប្រកួតយប់មិញ៖
តារាងអ្នកស៊ុតបញ្ចូលទីច្រើនជាងគេទាំង១០៖
៤គូដែលត្រូវប្រកួតយប់នេះរួមមាន៖
Norwich vs Chelsea (៧:៣០នាទីយប់)
Southampton vs Swansea (៧:៣០នាទីយប់)
Tottenham Hotspur vs West Ham (១០យប់)
West Brom vs Arsenal (១០យប់)
តើក្រុមកាំភ្លើងធំ Arsenal អាចដណ្ដើមកំពូលតារាងពី Liverpool បានមកវិញឬទេ?
វីដេអូហាយឡាយរវាង Liverpool និង Crystal Palace៖
0 comments:
Post a Comment