Cristiano Ronaldo បានជួយឲ្យ Real Madrid ទទួលបាន៣ពិន្ទុទាំងព្រលឹងចុងសក់ពីក្រុម Levante ក្នុងលទ្ធផល ៣-២ ខណៈ Barcelona នៅតែមិនស្គាល់ជាតិចាញ់ ឬស្មើក្នុង៨ប្រកួតជាប់គ្នា ក្រោយឈ្នះ Real Valladolid ៤-១។
Ronaldo ដោះអាវបញ្ចេញសាច់ដុំក្រោយស៊ុតបញ្ចូលទីចុងម៉ោងឲ្យ Real
ទោះបីមិនសូវមានតារាល្បីៗដូច Real Madrid ក៏ពិតមែន ក៏ក្រុមម្ចាស់ផ្ទះ Levante បាននាំមុខដល់ទៅ២ដង ពោលគឺ Diawara ស៊ុតបញ្ចូលទីបើកឆាកនៅនាទី៥៧ មុនពេល Sergio Ramos តាមស្មើវិញនៅ៤នាទីបន្ទាប់។ សល់៤នាទីចប់ការប្រកួត El Zhar បានជួយឲ្យ Levante នាំមុខជាថ្មី ប៉ុន្តែ Alvaro Morata ស៊ុតឲ្យក្រុមលោក Carlo Ancelotti តាមស្មើម្ដងទៀតនៅនាទី៩០។ ខណៈដែលការប្រកួតឈានដល់នាទីចុងក្រោយនៃម៉ោងបន្ថែម៤នាទីទៅហើយនោះ កីឡាករអន្តរជាតិព័រទុយហ្គាល់ CR7 បានស៊ុតបញ្ចូលទីដើម្បីឲ្យ Real បាន៣ពិន្ទុទាំងមិនសូវស្រួលចិត្ត។
ងាកទៅមើលក្លិបជើងឯកចាស់ Barcelona វិញ មិនត្រដាបត្រដួសដូចគូប្រជែងរបស់ខ្លួននោះទេ ទោះបីត្រូវគូប្រកួតនាំមុខមុនដូចគ្នាក៏ដោយ។ ចាប់ផ្ដើមការប្រកួតបានតែ១០នាទី Javi Guerra បានតែតបញ្ចូលទីឲ្យ Valladolid នាំមុខមុន ប៉ុន្តែ Alexis Sanchez បានរកគ្រាប់តាមស្មើឲ្យ Barca វិញ នៅ៤នាទីបន្ទាប់។ កីឡាករសញ្ជាតិឈីលីរូបនេះបានបន្ថែម១គ្រាប់ទៀតនៅតង់ទី២ ខណៈ Xavi និង Neymar ក៏បានម្នាក់១គ្រាប់ដែរឲ្យក្រុមលោក Gerardo Martino។
Neymar អបអរជាមួយ Sanchez ក្រោយស៊ុតបញ្ចូលទីឲ្យ Barca
លទ្ធផល២គូផ្សេងទៀតកាលពីយប់មិញដែរនោះ គឺ Elche យកឈ្នះ Espanyol ២-១ រីឯ Rayo Vallecano បានឡើងផុតពីបាតតារាងក្រោយយកឈ្នះ Real Sociedad ១-០។
នៅយប់នេះវិញ នឹងមានការប្រកួត៤គូទៀត ពោលគឺក្រុមលេខ២មិនទាន់ចាញ់ Atletico Madrid ជួបក្រុមលេខ១៦ Celta Vigo ម៉ោង៥ល្ងាច ខណៈក្រុមបាតតារាងមិនដែលឈ្នះ Almeria ទៅសួរសុខទុកក្រុមលេខ១៥ Sevilla ម៉ោង១០យប់។ នៅម៉ោង១២កណ្ដាលអាធ្រាត្រ Getafe ដែលកំពុងឈរលេខ៨ និងបើកទ្វារផ្ទះស្វាគមន៍ក្រុមលេខ១២ Real Betis រីឯក្រុមលេខ៥ Athletic Bilbao ដែលកំពុងឡើងខ្លាំង នឹងត្រូវតតាំងក្រុមចំណាត់ថ្នាក់ជាប់គ្នា Valencia ម៉ោង២រំលងអាធ្រាត្រ៕
វីដេអូហាយឡាយនៃការប្រកួតទាំង២គូ៖
0 comments:
Post a Comment