វីតាមីន C មានប្រយោជន៍អ្វីខ្លះ?
.jpg)
វីតាមីន C ឬ Ascorbic Acid មានតួនាទីយ៉ាងសំខាន់ក្នុងការថែរក្សា និងទ្រទ្រង់សរីរាង្គ និងមុខងារជាច្រើនរបស់រាងកាយ។ វីតាមីន C មានការពិតជាច្រើនដែលអ្នកគួរយល់ដឹង។ រាងកាយរបស់មនុស្សបឺតស្រូបយកវីតាមីន C ពីអាហារ និងថ្នាំបំប៉ន ព្រមទាំងបញ្ចេញចោលនូវវីតាមីនដែលមិនត្រូវការប្រើ។ ផ្លែក្រូច និងក្រូចឆ្មាក៏មានវីតាមីន C ច្រើនដែរ។
មនុស្សមិនអាចសំយោគ Ascorbic Acid ដោយខ្លួនឯងបានទេ ដូច្នេះមានតែយកមកពីអាហារដែលមនុស្សញ៉ាំ។ ពោះវៀនមានប្រព័ន្ធដឹកនាំសកម្មដែលអាចបឺតស្រូបវីតាមីន C បាន។ វីតាមីននេះនឹងត្រូវតម្រងនោមបឺតស្រូបមកវិញម្តងទៀត។ យន្តការនៃការបឺតស្រូប និងបឺតស្រូបម្តងទៀតក្នុងពោះវៀន និងតម្រងនោមនឹងឈានទៅដល់ចំណុចឆ្អែត។ ដូច្នេះ ការប្រើថ្នាំវីតាមីន C គួរតែកុំប្រើម្តងក្នុងកម្រិតច្រើនពេក ប៉ុន្តែគួរតែបែកចែកកម្រិតប្រើប្រាស់នោះតិចៗច្រើនដងវិញ។
គន្លឹះសំខាន់របស់វីតាមីន C គឺវាជួយទ្រទ្រង់ប្រព័ន្ធភាពស៊ាំ និងបង្កើតបានជាធាតុផ្សំរចនាសម្ព័ន្ធ Collagen។ វាក៏ត្រូវបានប្រើប្រាស់ដើម្បីសំយោគជាសារធាតុបញ្ជូនសញ្ញាសរសៃប្រសាទសម្រាប់បំពេញមុខងារក្នុងខួរក្បាល និងផ្លាស់ប្តូរអារម្មណ៍។ វីតាមីន C ជួយសំយោគមូលេគុល Carnitine សម្រាប់បំពេញតួនាទីដឹកនោមជាតិខ្លាញ់ចូលក្នុងកោសការដើម្បីបំលែងជាថាមពល។ វិទ្យាសាស្ត្រ និងការស្រាវជ្រាវបានសម្គាល់ដឹងថា វីតាមីន C ក៏ជួយបញ្ចុះជាតិកូឡេស្ទើរ៉ុលដែរ។ កម្រិតកូឡេស្ទើរ៉ុលដ៏ខ្ពស់ធ្វើអោយកើតជំងឺគ្រួសក្នុងតម្រងនោម និងជំងឺបេះដូងជាច្រើនប្រភេទទៀត។ ឥទ្ធិពលដ៏អស្ចារ្យរវាងវីតាមីតាមីន C និងជំងឺផ្តាសាយក៏ត្រូវបានគេជួបប្រទះកាលពីឆ្នាំ ១៩៧៣មកម្លេះ។ មានន័យថាវីតាមីន C ត្រូវបានគេជឿជាក់ថាជួយកាត់បន្ថយភាពធ្ងន់ធ្ងរ និងបន្ថយពេលវេលាកើតជំងឺផ្តាសាយ៕
0 comments:
Post a Comment