ថ្ងៃ២៩តុលានេះ ជាព្រះរាជាភិសេកឡើងគ្រងរាជសម្បត្តិ ព្រះមហាក្សត្រ គម្រប់ ៩ ឆ្នាំ
ភ្នំពេញ: នៅថ្ងៃ២៩ ខែតុលា ឆ្នាំ២០១៣ ថ្ងៃនេះ ជាខួបលើកទី ៩ ឆ្នាំ នៃការឡើងគ្រងរាជសម្បត្តិរបស់ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី។ នៅថ្ងៃនេះ មិនមានពិធីផ្លូវការ ត្រូវបានរៀបចំឡើងទេ។ តែរដ្ឋាភិបាល បានកំណត់ជាថ្ងៃបុណ្យជាតិ សម្រាប់មន្ត្រីរាជការ បុគ្គលិកឯកជន សិស្សនិស្សិត ឈប់សម្រាកពីការងារ និងការសិក្សា។
ជាមួយគ្នានោះ លិខិតសាទរ ថ្វាយព្រះមហាក្សត្រ ក៏ត្រូវបានធ្វើឡើងយ៉ាងច្រើនពីឥស្សរជនកំពូលៗ ដែលមានពីប្រមុខរដ្ឋាភិបាល ប្រធានព្រឹទ្ធសភា ប្រធានរដ្ឋសភា និងថ្នាក់ដឹកនាំជាតិជាច្រើនទៀត។
លិខិតសាទរថ្វាយព្រះមហាក្សត្រ ក៏ត្រូវបានបោះពុម្ពតាមកាសែត ផ្សាយតាមវិទ្យុ និងទូរទស្សន៍ផងដែរ៕
ប្រភពពី៖ www.khmer-note.com
0 comments:
Post a Comment