កំណត់ហេតុនៃអ្នកបោកប្រាស់ស្នេហា..! (មានវីដេអូ)
ការស្រលាញ់មនុស្សម្នាក់គឺងាយនឹងកើតឡើងណាស់ ដោយគ្រាន់តែមានចំណុចចាប់ផ្តើមតែបន្តិចបន្តួច តែការស្អប់ រឺបញ្ឈប់ការស្រលាញ់ចំពោះអ្នកនោះវិញ គឺពិតជាពិបាកណាស់។
យ៉ាងណាជីវិតប្តីប្រពន្ធ សំខាន់បំផុតគឺការបំពេញឲ្យគ្នាទៅវិញទៅមក ទើបអាចរួមរស់នៅជាមួយគ្នាបានដល់ចាស់ តែបើមិនដូច្នេះទេ ទោះអ្នកកំពុងរស់លើគំនរទ្រព្យ ស្ថិតលើវិមានសួគ៌ ក៏ដោយ អ្នកនឹងគ្មានសេចក្តីសុខក្នុងចិត្តនោះទេ។
ជាការពិតណាស់ រៀបការដំបូងគឺដូចជាសិស្សដល់ម៉ោងចេញពីរៀន ដល់ពេលយូរទៅ គឺដូចជាសិស្សបានលឺស្នូរជួងចូលរៀន។ តែបើអ្នកមិនចេះអត់ទ្រាំនឹងពេលវេលានេះ រឺអ្នកមិនចេះបង្កើតបរិយាកាសនេះ ឲ្យក្លាយជាបរិយាកាស់ថ្មីៗ ជារៀងរាល់ថ្ងៃទេ អ្នកនឹងមានអារម្មណ៌ធុញថប់ តប់ប្រមល់ មិនមានសេចក្តីសុខក្នុងចិត្តនោះទេ ព្រោះអ្នកមិនបានបំពេញឲ្យគ្នាទៅវិញទៅមក។ ថ្ងៃនេះ អ្នកអាចខ្វះខាតអារម្មណ៌ រីករាយ ដូច្នេះដៃគូស្នេហារបស់អ្នកនឹងមានអារម្មណ៌មួយនេះ អាចបំពេញឲ្យអ្នកបាន ដូច្នេះអ្នកត្រូវព្រមទទួលយកវា ពេលនោះអ្នកនឹងដឹងថា រស់ជាតិថ្មីនៃជិវិត គឺអាចបំពេញឲ្យជារៀងរាល់ថ្ងៃ។
សុភមង្គល់ងាយនឹងនិយាយ ហើយអ្នកណាក៏ចង់បានវាដែរ តែមិនមានមនុស្សច្រើនទេ ដែលអាចស្វែងរករស់ជាតិពិតនៃសុភមង្គលក្នុងជិវិត រឺជីវិតគ្រួសារ បើគេអាចរកបាន វាគ្រាន់តែជាសេចក្តីសុខមួយរយៈពេលខ្លីតែប៉ុណ្ណោះ។ ប៉ុន្តែអ្វីក៏ដោយ គឺសុទ្ធតែអាចបណ្តុះ និងកែច្នៃបាន សូម្បីតែសុភមង្គល។ ស្នាមញញឹមរបស់អ្នកជារៀងរាល់ថ្ងៃទៅកាន់មនុស្សនៅជុំវិញខ្លួន គឺជាគ្រាប់ពូជន៌ និងជាទឹកអម្រិតនៃសុភមង្គល។
សូមទស្សនាភាពយន្តខាងក្រោម ដែលមានចំណងជើងថា «Diaries of the Cheating Hearts» នោះអ្នកនឹងដឹងថា ការកសាងសុភមង្គលដោយគ្មានជំនឿចិត្ត វានឹងជួបឧបសគ្គបែបណាខ្លះ ហើយការមិនបានបំពេញឲ្យគ្នាទៅវិញទៅមកវានឹងមានលទ្ធលបែបណា..។ វាមិនមែនជាមេរៀនទេ តែវាជាបទពិសោធន៌នៃជីវិតដដែលៗ តៗគ្នារបស់មនុស្ស។
សូមជួនពរលោកអ្នកឲ្យជួបតែសុខសុភមង្គល...៖
ប្រភពពី៖ www.neavea.com
0 comments:
Post a Comment