មានជំងឺផ្តាសាយធំគួរញ៉ាំអាហារអ្វីខ្លះ?
.jpg)
បើសិនជាអ្នកកំពុងតែមានជំងឺផ្តាសាយធំ អ្នកប្រហែលជាកំពុងតែឆ្ងល់ហើយថាគួរញ៉ាំអាហារដូចម្តេច។ ដូច្នេះតើអ្នកត្រូវញ៉ាំអ្វីខ្លះទៅនៅពេលមានរោគសញ្ញាជំងឺផ្តាសាយធំ និងក្តៅខ្លួនផងនោះ?
ថ្ងៃនេះមានរឿងច្រើនជាងធម្មតាដែលគួរនិយាយ មានន័យថាយើងនឹងប្រាប់អំពីអាហារដែលនឹងផ្តល់ថាមពលយ៉ាងខ្លាំងសម្រាប់ជម្រុញដល់មុខងារប្រព័ន្ធភាពស៊ាំ និងឆាប់ជាពីជំងឺនេះ។ ពិតណាស់ ការទទួលបានជីវជាតិបានត្រឹមត្រូវគឺជារឿងសំខាន់ដើម្បីថែរក្សាសុខភាពអោយនៅល្អ។ ប៉ុន្តែនៅពេលរាងកាយខំប្រឆាំងនឹងរោគសញ្ញាជំងឺផ្តាសាយធំរយៈពេលច្រើនថ្ងៃ ឬសប្តាហ៍ របបអាហារបានក្លាយទៅជាទ័ពជំនួយយ៉ាងសំខាន់ក្នុងការបង្កើនល្បឿននៃការជាសះស្បើយ។ អ្វីដែលសំខាន់ត្រូវតែមានវីតាមីន និងជាតិរ៉ែក្នុងរបបអាហារប្រចាំថ្ងៃដើម្បីពង្រឹងដល់ភាពរឹងមាំរបស់អ្នកបាន។
តើជីវជាតិអាហារមានប្រយោជន៍អ្វីខ្លះដល់ការជាសះស្បើយពីជំងឺផ្តាសាយធំ?
ជីវជាតិគឺជាកន្សោមពិសេសៗក្នុងអាហារ និងមានសារៈសំខាន់ក្នុងការជួសជុលក្នុងរាងកាយ, លូតលាស់ និងសុខភាពល្អ។ ជីវជាតិមានដូចជា វីតាមីន, ជាតិរ៉ែ, អាស៊ីតអាមីណេ, ខ្លាញ់សំខាន់ៗ, ទឹក ព្រមទាំងប្រភពអាហារមានជាតិកាលឡូរីដូចជា កាបូអ៊ីដ្រាត, ប្រូតេអ៊ីន និងខ្លាញ់។ ជីវជាតិមួយចំនួន (ជីវជាតិមិនសំខាន់) ត្រូវបានរាងកាយបង្កើតឡើងដោយខ្លួនឯង។ ជីវជាតិផ្សេងទៀត (ជីជាតិសំខាន់) ត្រូវតែយកចេញពីរបបអាហារ។ ការកង្វះជីវជាតិ ឬអាហារូបត្ថម្ភអាចនាំអោយមានជំងឺបានបើសិនជាមិនបានព្យាបាល។
តើអាហារអ្វីខ្លះដែលជួយប្រយុទ្ធប្រឆាំងនឹងជំងឺផ្តាសាយធំ?
ខណៈពេលដែលអ្នកមានជំងឺផ្តាសាយធំ ប្រូតេអ៊ីនតែងតែជារបស់សំខាន់ក្នុងការថែក្សារាងកាយអោយនៅរឹងមាំ។ សាច់ក្រហម, សាច់បក្សី, ត្រី, បន្លែ, អាហារធ្វើពីទឹកដោះគោ, ស៊ុត, សណ្តែក និងគ្រាប់ធុញ្ញជាតិគឺជាប្រភពនៃជាតិប្រូតេអ៊ីនយ៉ាងល្អ។
រដ្ឋបាលចំណីអាហារ និងឱសថ (FDA) បានណែនាំថា មនុស្សពេញវ័យគួរញ៉ាំប្រូតេអ៊ីនអោយបាន ៥០ក្រាមក្នុងមួយថ្ងៃ។ ស្ត្រីមានផ្ទៃពោះ និងបំបៅដោះកូនត្រូវការច្រើនជាងនេះទៅទៀត។ តាមរយៈការទទួលទានអាហារមានប្រូតេអ៊ីនខ្ពស់ យើងក៏អាចទទួលបានប្រយោជន៍ផ្សេងៗទៀតបានដែរដូចជា វីតាមីន B6 និង B12 ដែលវីតាមីនទាំងពីរនេះជួយធ្វើអោយប្រព័ន្ធភាពស៊ាំមានសុខភាពល្អ។
វត្តមានរបស់វីតាមីន B6 មានយ៉ាងច្រើនក្នុងអាហារដូចជា ដំឡូង, ស្ពៃបៃតង, និងគ្រាប់ធញ្ញជាតិ។ ប្រូតេអ៊ីនដូចជា សាច់, ទឹកដោះគោ និងត្រីក៏ផ្ទុកទៅដោយវីតាមីន B12 សម្រាប់បង្កើនថាមពលប្រព័ន្ធភាពស៊ាំដែរ។
ជាតិរ៉ែដូចជាសេឡេញ៉ូម និងស័ង្គសីមាននាទីជួយថែរក្សាប្រព័ន្ធភាពស៊ាំអោយខ្លាំងក្លា។ ជាតិរ៉ែទាំងនេះមាននៅក្នុងអាហារសម្បូរជាតិប្រូតេអ៊ីនដូចជា សណ្តែក, សាច់ និងសាច់បក្សី៕
0 comments:
Post a Comment