ធម្មតាអ្នកមានស្មាតហ្វូនដែលដើរលើប្រព័ន្ធប្រតិបត្តិការ Android នៅមិនទាន់យល់ពីការប្រើប្រាស់ប្រាស់ខ្មែរយូរនីកូដឲ្យបានត្រឹមត្រូវនៅឡើយទេ។
លោក បូវី ឈុន ឡេង
អានអត្ថបទ៖ ដឹងប្រវត្តិនៃការកកើតព្រឹត្តិការណ៍បារខែមដែរឬទេ?
លោក បូវី ឈុនឡេង ដែលជាវាគ្មិនមួយរូបក្នុងព្រឹត្តិការណ៍បាខែមដែលរៀបចំនៅសាលាតិចណូកន្លងទៅនេះ បានលើកឡើងពីប្រធានបទ “ការប្រើប្រាស់ភាសាខ្មែរ និង ក្តារចុចឲ្យបានត្រឹមត្រូវ” ដើម្បីចែករំលែកដល់អ្នកចូលរួមសិក្សាស្វែងយល់។
លោកបានលើកឡើងថា ក្តារចុចខ្មែរនៅលើ Andorid គឺនៅមិនទាន់មានស្តង់ដាត្រឹមត្រូវទេ ព្រោះក្រុមហ៊ុនយក្ស Google មិនទាន់បញ្ចេញ Versions ដែលមានក្តារចុចខ្មែរបំពាក់នៅលើប្រព័ន្ធដំណើរការនេះទេ។
“ក្តារចុចលើប្រព័ន្ធប្រតិបត្តិការ Andriod មានច្រើនប្រភេទ ដូចនេះមានការពិបាកដល់អ្នកប្រើប្រាស់។ ដូច្នេះខ្ញុំណែនាំឲ្យអ្នកប្រើប្រាស់ទាំងអស់ឲ្យប្រើក្តារចុចមួយឈ្មោះថា Khmer Standard Keyboard ។ ក្តារចុចដែលខ្ញុំណែនាំនេះ គឺមានលក្ខណៈពេញលេញទាំងស្រះនិងចំនួនតួអក្សរខ្មែរពេញលេញបានត្រឹមត្រូវ”។
លោកបន្តថា ក្តារចុចនេះដាក់ឲ្យទាញយកដោយឥតគិតថ្លៃនៅលើ Store របស់ Google ផ្ទាល់តែម្តងសម្រាប់ទូរសព្ទដែលប្រើប្រាស់ប្រព័ន្ធប្រតិបត្តិការ Andriod។ ក្តារចុចនេះត្រូវបានបង្កើតដោយក្រុមកូនខ្មែរដែលបានបង្កើតវិទ្យាស្ថានខ្លួនឯងមួយឈ្មោះថា Open Institute ដែលក្រុមនេះតែងតែមានការសហការជាមួយក្រុមហ៊ុនយក្ស Google ផ្ទាល់តែម្តង។
លោកបញ្ជាក់ថា សម្រាប់ម៉ាស៊ីនណាដែលមានពុម្ពអក្សរខ្មែរស្រាប់ទើបអាចប្រើប្រាស់ក្ដារចុចខ្មែរនេះបានត្រឹមត្រូវ ព្រោះ Google មិនទាន់បានដាក់ពុម្ពអក្សរខ្មែរលើប្រព័ន្ធប្រតិបត្តិការលើ Android ស្រាប់ដោយមិនបាច់យកទូរសព្ទទៅបំបែកប្រព័ន្ធ(Root)ទាំងនោះនៅឡើយទេ។
អានអត្ថបទ៖ Smartphone ណាប្រើ KitKat ដំបូងគេ?
0 comments:
Post a Comment