បន្ទាប់ពីត្រូវបានសារព័ត៌មានក្នុងស្រុកមួយចេញផ្សាយថា កញ្ញា សន នាងផល្លីកា តារាចម្រៀងរបស់ផលិតកម្មប៊ិកមែន បានរស់នៅជាមួយVJ រតនា ដោយមិនបានរៀបការនោះ នាងបានចេញមុខមកបដិសេធថា អត់មានរឿងដូចការលើកឡើងនោះឡើយ។
អាន៖ អេឡិច សូហ្ស៉ា បង្ហាញភាពស្រើបស្រាលជាមួយគូស្នេហ៍ថ្មី
មុននេះបន្តិច កញ្ញា សន នាងផល្លីកា តារាចម្រៀងរបស់ផលិតកម្មប៊ិកមែនត្រូវបានសារព័ត៌មានក្នុងស្រុកមួយចេញផ្សាយថា នាងបានរស់នៅក្រោមដំបូលផ្ទះជាមួយVJ រតនា ពិធីកររបស់ស្ថានីយទូរទស្សន៍Mytv ។
សារព័ត៌មានដដែលនោះបានរាយការណ៍ថា កញ្ញា សន នាងផល្លីកា និងVJ រតនា ទៅណាមកណាបណ្ដើរគ្នាយ៉ាងស្អិតល្មួត ស្ទើរជារឿងរាល់ថ្ងៃ មិនថាទៅញាំអី ឬទៅចូលរួមកម្មវិធីអ្វីនោះឡើយ អ្វីដែលពិសេសនោះអ្នកទាំងពីរបានថែមទាំងរស់នៅដំបូលផ្ទះជាមួយគ្នា ដោយមិនបានរៀបអាពាហ៍ពិពាហ៍ថែមទៀតផង។
ទោះមានការលើកឡើយបែបនេះសារព័ត៌មានដដែលមិនបានជួបសម្ភាសផ្ទាល់ជាមួយនឹង កញ្ញា សន នាងផល្លីកា និង លោក ធីណារ៉ាក់ រតនា ហៅ VJ រតនា នោះឡើយ ដោយសារតែទូរស័ព្ទរបស់អ្នកទាំងពីរCall ចូលមិនមានអ្នកទទួល។
ក្នុងជំនួបតាមទូរស័ព្ទកាលពីពេលថ្មីៗនេះ កញ្ញា សន នាងផល្លីកា បានឲ្យដឹងថា នាងមិនបានរស់នៅក្នុងដំបូលផ្ទះជាមួយ VJ រតនា នោះឡើយ នាងចាត់ទុកថា ការលើកឡើងដូចដែលសារព័ត៌មានមួយចោទប្រកាន់នាងនោះ គឺជារឿងបង្កាច់បង្ខូចកេរ្តិ៍ឈ្មោះនាងប៉ុណ្ណោះ។
អាន៖ VJ រតនា បឺតមាត់គូស្នេហ៍ក្នុងថ្ងៃខួបកំណើត
នាងផល្លីកាលើកឡើងថា ខ្លួននាងជាមនុស្សស្រីមានម្ដាយឪពុកត្រឹមត្រូវ រឿងអីនាងត្រូវទៅរស់នៅជាមួយប្រុសឈ្មោលដោយមិនឆ្លងកាត់ការរៀបអាពាហ៍ពិពាហ៍នោះ។ នាងចាត់ទុកថា ការចេញផ្សាយបែបនេះ ជាចេតនាធ្វើឲ្យប៉ះពាល់កិត្តិយសនាង និងក្រុមគ្រួសារនាងខ្លាំងណាស់ ហេតុនេះនាងសូមស្នើឲ្យសារព័ត៌មានដែលចេញផ្សាយនោះ មេត្តាជួយកែតម្រូវឡើងវិញផង។
កញ្ញា សន នាងផល្លីកា ទទួលស្គាល់ថា នាងនិងVJ រតនាពិតជាស្រលាញ់គ្នាពិតប្រាកដមែន ហើយការស្រលាញ់គ្នានោះ គឺជាការស្រលាញ់ស្មោះ មិនមែនជាការលេងសើចនោះឡើយ។ នាងប្រាប់ថា VJ រតនាបានសន្យាជាមួយនាងថា និងចូលរោងជ័យជាមួយគ្នាក្នុងពេលខាងមុននេះ តែនាងមិនទាន់ចង់រៀបការឆាប់ៗពេកនោះទេ ព្រោះចង់រកប្រាក់សល់ច្រើនសិន និងចង់ប្រឡូកសិល្បៈឲ្យច្រើនជាងនេះសិន៕
អត្ថបទ៖ ខុត សីហា
0 comments:
Post a Comment