ការបង្ហាញវត្តមានរបស់ iPhone ជំនាន់ថ្មីពីរម៉ូដែលគឺ iPhone 5S និង 5C ពិតជាធ្វើឲ្យមនុស្សម្នាភ្ញាក់ផ្អើលមិនស្ទើរនោះទេ ជាពិសេសពលរដ្ឋខ្មែរមួយចំនួនក៏បង្ហាញការចាប់អារម្មណ៍ហើយក៏មានអ្នកខ្លះ អន្ទះសាចង់ទិញទូរសព្ទស៊េរីថ្មីនេះយកទៅប្រើដែរ។
iPhone 5S (ឆ្វេង) iPhone 5C (ស្តាំ)
Galaxy Note 3
ប៉ុន្តែគួរឲ្យភ្ញាក់ផ្អើល ថ្មីៗនេះតាមការស្ទាបស្ទង់មតិតាមបណ្ដាញសង្គម Facebook ក៏ដូចជាតាមរយៈប្រអប់ Comment របស់យើងខ្ញុំបានបង្ហាញថា មិនប្រាកដថា iPhone 5S និង 5C ពិតជាធ្វើឲ្យពលរដ្ឋខ្មែរចាប់អារម្មណ៍ និងទន្ទឹងរង់ចាំនោះទេ។ ផ្ទុយទៅវិញ មានប្រិយមិត្តមួយចំនួនបែរជាកំពុងទន្ទឹងរង់ចាំការមកដល់របស់ Galaxy Note 3 របស់ Samsung ទៅវិញ ជំនួសឲ្យ iPhone 5S និង 5C ដោយសារតែបច្ចេកវិទ្យាទំនើបនិងឈានមុខជាង iPhone ជំនាន់ថ្មីរបស់ Apple។
ជាក់ស្ដែង Lengend Heart បង្ហាញការចាប់អារម្មណ៍របស់ខ្លួនថា “ខ្ញុំមិនរំពឹងចាំ iPhone ទេ តែរំពឹងចាំ Galaxy Note 3 ព្រោះបច្ចេកវិទ្យាវាឈានមុខជាងគេ ហើយសំបកខាងក្រៅមិនមែនយកផ្លាស្ទិកមកធ្វើដូចកាលមុនទៀតទេ”។ ចំណែក Sin Savry ក៏ប្រាប់ដែរថា “I don’t care about I phone I’m waiting only Galaxy Not III បានន័យថា ខ្ញុំមិនចាប់អារម្មណ៍ iPhone ទេ ជំនួសមកវិញគឺ Galaxy Note 3 ទេដែលខ្ញុំរង់ចាំ”។
រីឯមិត្តអ្នកអានម្នាក់ទៀតមានឈ្មោះថា Sothea Jimmy ក៏បង្ហាញការចាប់អារម្មណ៍ Note 3 ដែរថា “iPhone ជំនាន់ថ្មីនេះគ្មាអីអស្ចារ្យផង”។
ប្រិយមិត្តផ្សេងទៀតបានសរសើរពី Galaxy Note 3 មិនដាច់ពីមាត់ថា iPhone 5S គ្មានគីឡូលោតជាមួយ Galaxy Note 3 ទេ សូម្បីតែយកទៅប្រៀបធៀបជាមួយ Galaxy S4 ក៏ទៅមិនរួចដែរ iPhone 5S នោះ។ ហេតុដែលគេសរសើរ Galaxy Note 3 ជាង iPhone 5S គឺដោយសារតែមានប្រៀបធៀបទៅលើកម្លាំងដំណើររបស់ Smartphone ទាំងពីរគឺចាញ់ Galaxy Note 3។
យ៉ាងណាក៏ដោយមានមិត្តយុវវ័យក៏បានទន្ទឹងរង់ចាំការមកដល់របស់ iPhone ជំនាន់ថ្មីនេះដូចជាកញ្ញា Love Linna បានបញ្ជាក់ថា ” how many day that I phone 5s coming , I’m waiting a long time hmm…wow who know ? បានន័យថា តើ iPhone 5S នឹងមកដល់នៅពេលណាទៅ ខ្ញុំរង់ចាំយូរហើយ។ អ្នកណាដឹង អាចជួយប្រាប់បន្តិចបានទេ”។
ក្នុងខែកញ្ញា គេកត់សម្គាល់ឃើញថាមានព្រឹត្តិការណ៍បច្ចេកវិទ្យាដ៏ធំពីរកើតឡើង ដោយក្នុងនោះ Apple បានប្រកាសបង្ហាញរូបរាងជាផ្លូវការ iPhone 5S និង 5C រួមទាំងប្រព័ន្ធដំណើរការថ្មី iOS 7 ខណៈដែល Samsung ក្នុងអំឡុងខែកញ្ញាដែរនេះបានប្រកាសបញ្ចេញរូបរាងរបស់ Galaxy Note 3 រួមជាមួយSamsung Galaxy Gear SmartWatch ក្នុងពិព័រណ៍ពាណិជ្ជកម្មអេឡិចត្រូនិក IFA 2013 នាប្រទេសអាល្លឺម៉ង់។
តាមដំណឹងមកថា iPhone 5S និង 5C អាចមកដល់ទីផ្សារប្រទេសកម្ពុជាអំឡុងខែតុលាខាងមុខនេះ ខណៈដែល Galaxy Note 3 នៅប្រហែលចុងខែកញ្ញានេះ។
មើលលក្ខណៈពិសេសៗរបស់ Galaxy Note 3 សូមចុចត្រង់នេះ។
តើរវាង Galaxy Note 3 និង iPhone 5S និង 5C មួយណាជាជម្រើសពិតប្រាកដ?
អត្ថបទ៖ ដារ៉ាឆានី
0 comments:
Post a Comment