Tablet Surface ជំនាន់ថ្មីរបស់ Microsoft ដែលបានលេចឮកន្លងមក ទីបំផុតនៅថ្ងៃនេះក្រុមហ៊ុន បានប្រកាសជាផ្លូវការហើយ។ ចំពោះរូបរាងត្រូវបានឌីហ្សាញមានលក្ខណៈដូច Surface ជំនាន់ទី១ ដែរ តែខុសត្រង់សមត្ថភាព hardware មួយចំនួន ដែលជួយបង្កើនល្បឿនដំណើរការលឿនជាងស៊េរីមុន។
អាន៖ Microsoft មានព្រឹត្តិការណ៍បង្ហាញ Surface 2.0 ២៣ កញ្ញានេះ
Microsoft Surface 2 (ឆ្វេង) និង Surface 2 Pro (ស្ដាំ)
Tablet ជំនាន់ថ្មី Surface 2 មានលក្ខណៈសម្បត្តិដូចជា ៖ បំពាក់ chip Tegra 4 លឿនជាង Surface ជំនាន់ទី១ និងមានអេក្រង់ ClearType full HD ទំហំ ១០,៦អ៊ីញ resolution (1920 x1080px)។ ម៉ូដែលនេះ ក៏បំពាក់មកជាមួយ CPU intel Core i5 ជំនាន់ទី៤ ប្រភេទ Quad-core Tegra 4 SoC ល្បឿន 1.7GHz Cortex A15 និងមានរន្ធ USB 3.0 ងាយស្រួលចម្លងឯកសារបានលឿនជាងមុនដល់ទៅ ៤ដង។
Microsoft Surface 2 បានបំពាក់ដោយ RAM ទំហំ 2GB និងមាន GPU ប្រភេទ GeForce 72-core ដំណើរការដោយប្រព័ន្ធប្រតិបត្តិការ Windows RT 8.1។ នៅផ្នែកខាងក្រោយ បានភ្ជាប់មកជាមួយកាមេរ៉ាទំហំ 5MP និងកាមេរ៉ាមុខទំហំ 3.5MP ដែលទាំងពីរនេះអាចថតវីដេអូក្នុងកម្រិត 1080p និងបានកែលំអមានសមត្ថភាពថតបានច្បាស់នៅទីខ្សោយពន្លឺ។ Tablet នេះមានពីរទំហំគឺ 32GB និង 64GB (+microSD)។ តំណភ្ជាប់មានដូចជា រន្ធ HDMI រន្ធសំឡេង 3.5mm audio jack, Bluetooth 4.0 និង USB 3.0។
Microsoft Surface 2
កាន់តែពិសេសជាងនេះទៅទៀត ម៉ូដែលនេះនឹងដំណើរការដោយប្រព័ន្ធប្រតិបត្តិការថ្មីគឺ Windows 8.1 មានមុខងារពិសេសមួយចំនួនបានកែលំអ ដូចជា៖ Personalization, search, multitasking, built-in apps និងជាច្រើនទៀត។ អាចប្រើ Skydrive ទំហំ 200GB រយៈពេល ២ឆ្នាំ។ ចំណែក Keyboard នៅលើ Surface ថ្មីនេះត្រូវបានផ្ដល់ជូនប្រភេទខុសគ្នាចំនួន ៣ រួមមាន៖ Touch Cover 2, Type Cover 2 និង Power Cover។ Touchនិង Type cover មានកម្រាស់ស្ដើង និងស្រាលជាងស៊េរីមុន ហើយ Power Cover កាន់តែពិសេសព្រោះបានបង្កប់ថ្មដែលជួយឱ្យអាយុកាលប្រើប្រាស់ Tablet នេះកាន់តែយូរ។
Microsoft បានអះអាងថា Suface 2 មានល្បឿនលឿនជាង Surface ជំនាន់ទី១ ដល់ទៅ ៤ដង មានថ្មកាន់បានយូរជាងមុន ២៥% ដែលអាចបើកមើលវីដេអូបាន ១០ម៉ោង ហើយ Stand-by បានដល់ទៅចន្លោះពី ៧ ទៅ ១៥ថ្ងៃ។ ចំណែកកាមេរ៉ាល្អជាងមុន ៥ដង និងល្បឿន Wi-Fi ល្អជាងមុន ២ដង។
អតិថិជនអាចកុម្ម៉ង់ទិញ Surface 2 បានចាប់ពីថ្ងៃស្អែកនេះ ជាមួយតម្លៃ ៤៥០ដុល្លារ សម្រាប់ទំហំ 32GB ហើយតម្លៃ ៥៥០ដុល្លារសម្រាប់ទំហំ 64GB ហើយគេរំពឹងថា នឹងមានលក់នៅថ្ងៃទី២២ តុលាខាងមុខ។
អាន៖ Microsoft លក់ Surface Pro ចុះតម្លៃ ១០០ដុល្លារអំឡុងខែសីហានេះ
Microsoft Surface 2 Pro
ទន្ទឹមនឹងនោះ Microsoft ក៏នឹងចេញលក់ Surface Pro 2 ដែលមាន ៤ទំហំផ្សេងគ្នាគឺ 64GB, 128GB, 256GB និង 512GB។ រីឯតម្លៃវិញរៀងគ្នា ៩០០ដុល្លារ ១០០០ដុល្លារ ១៣០០ដុល្លារ និង ១៨០០ដុល្លារ។ ជាទូទៅ Surface Pro 2 មាន RAM ទំហំ 4GB ប្រសិនចង់ update ឡើង 8GB នោះអតិថិជនត្រូវចំណាយ ១០០ដុល្លារបន្ថែមទៀត។ Surface 2 Pro មាន spec ធំជាង Surface 2 ដោយ CPU intel core i5 ជំនាន់ទី៤ ប្រភេទ dual-core ល្បឿន 1.6GB (max turbo clock 2.6GHz) ហើយក្រាហ្វិកប្រភេទ Intel HD Graphics 4400 និងមានប៊ិច S-Pen។ ជំនាន់ថ្មីនេះដំណើរការដោយប្រព័ន្ធប្រតិបត្តិការ Windows 8.1 Pro។ ក្រុមហ៊ុនបានបញ្ជាក់ទៀតថា Surface Pro 2 នឹងមានសមត្ថភាពបំពេញមុខងារបានលឿនជាងមុន ២០% ក្រាហ្វិកល្អជាងមុន ៥០% ហើយថ្មកាន់យូរជាងមុន ៧៥%៕
អាន៖ ក្រឡេកមើល Interface របស់ Windows 8.1 ខុសពី Win8 ម៉េចខ្លះ?
ចុចត្រង់នេះ ដើម្បីតាមផលិតផលបច្ចេកវិទ្យាថ្មីៗ …
ប្រែសម្រួល៖ ឈុន ហួរ
ប្រភព & រូបភាព៖ geeky-gadgets, gsmarena
0 comments:
Post a Comment