សាធារណជននៅតាមបណ្ដាប្រទេសជុំវិញពិភពលោក ទោះមិនបានដឹងតម្លៃ iPhone 5S ពណ៌មាសលម្អិតជាក់លាក់ យ៉ាងហោចណាស់ក៏បានដឹងល្ហៀងៗថា តម្លៃមួយគ្រឿងចន្លោះពី ៩០០ដុល្លារ ទៅ ១៥០០ដុល្លារអាស្រ័យទៅតាមទីផ្សារដែរ។ ចុះតើហេតុអ្វីបានជា iPhone 5S នេះមានតម្លៃដល់ទៅជាង ១ម៉ឺនដុល្លារ?
អាន៖ ៣ថ្ងៃ iPhone 5S/5C លក់បាន ៩លានគ្រឿង ដោយ 5S ខ្លាំងជាង 5C ៣ដង
តម្លៃ iPhone 5S ថ្លៃកប់ពពកមិនគួរឱ្យជឿបានផុសអណ្ដែតនៅលើគេហទំព័រលក់អនឡាញរបស់អាមេរិក eBay នៅថ្ងៃនេះ។ ត្រឹមជា iPhone 5S ទំហំ 16GB ដែលស្រុកខ្មែរលក់ក្នុងតម្លៃប្រហែល ១៥០០ដុល្លារសោះ តែបែរជា eBay បានកំណត់តម្លៃដល់ទៅ ១០១០០ដុល្លារសហរដ្ឋអាមេរិក (បញ្ជាក់៖ ជា iPhone 5S ពណ៌មាសទំហំ 16GB unlocked GSM)។
ពិតជាមិនគួរឱ្យជឿមែន ព្រោះថាតម្លៃនេះត្រូវបានបោះចេញពីមាត់អតិថិជនដេញថ្លៃគ្នាទិញយកប៉ុណ្ណោះ។ មនុស្សពីរនាក់ហាក់ឈ្លក់វង្វេងនឹងការចង់ឈ្នះ ឬចង់បាន iPhone 5S មុនក្នុងរូបភាពមិនសមហេតុផលដោយការប្រើប្រាស់លុយពីហោប៉ៅខ្លួនដល់ទៅជាងម៉ឺនដុល្លារ។ តម្លៃ iPhone 5S 16GB ពណ៌មាសនេះ ត្រូវបានដាក់ឱ្យដេញថ្លៃក្នុងតម្លៃ ២៥០០ដុល្លារ ហើយស្រាប់តែមនុស្សពីរនាក់ចេញមកដេញថ្លៃយក ដោយអ្នកទី១ ហ៊ានឱ្យដល់តម្លៃ ១០០០០ ដុល្លារ ហើយអ្នកទី២ ជាអ្នកចុងក្រោយបានហ៊ានឱ្យខ្ពស់លើសនេះទៅទៀតគឺ ១០១០០ដុល្លារអាមេរិកឯណោះ។
តើប្រិយមិត្តយល់យ៉ាងណាដែរ ចំពោះរឿងបែបនេះ?
អាន៖ មួយថ្ងៃសោះ iPhone 5S ធ្លាក់នៅក្រោម ១ពាន់ដុល្លារ?
ប្រែសម្រួល៖ ឈុន ហួរ
ប្រភព & រូបភាព៖ geeky-gadgets, electronista
0 comments:
Post a Comment