យុវវ័យភាគច្រើនប្រហែលជាប្រាថ្នារកកន្លែងអង្គុយញ៉ាំតែត្រជាក់ ក្រោមម្លប់ឆ័ត្រ អមដោយសម្រស់ធម្មជាតិពណ៌បៃតង មានក្លិនធម្មជាតិ ផ្សារភ្ជាប់នឹងអារម្មណ៍លំហែកាយហើយមើលទៅ។ ចុងសប្តាហ៍នេះ Sabay នឹងនាំអ្នកទៅរកបរិយាកាសទាំងនោះនៅហាងតែ Gong Cha។
ម្លប់ឈើត្រឈឹងត្រឈៃត្រជាក់ចិត្ត ត្រជាក់ភ្នែកដោយស្លឹកពណ៌បៃតងខៀវខ្ចី បញ្ចេញសម្ផស្សជុំវិញហាង។ គ្រាន់តែបើកទ្វារដើរចូលទៅ ចំហាយត្រជាក់នឹងមកប៉ះរាងកាយ ជាមួយនឹងក្លិនក្រអូបស្រទន់របស់បរិយាកាសក្នុងហាងនេះ។ ភ្លាមនោះ ភ្លេងចាក់កំដរតិចៗ ក៏នឹងចូលរួមធ្វើឲ្យអារម្មណ៍ពិតជាស្រស់ស្រាយ។
អង្គុយផឹកតែឈ្ងុយឆ្ងាញ់បណ្ដើរ គយគន់ទេសភាពធម្មជាតិបណ្ដើរ ធ្វើឲ្យអារម្មណ៍របស់អ្នកត្រជាក់ស្រស់ស្រាយ ប្រៀបបាននៅក្នុងពិភពពណ៌បៃតងដែលស្ងប់ស្ងាត់គ្មានទុក្ខកង្វល់ មានភ្លេង និងសម្ផស្សធម្មជាតិជួយព្យាបាលភាពហត់នឿយទាំងពួង។ យ៉ាងណាមិញ ហាងនេះមានតែរសជាតិប្រមាណជា១០០មុខ ក៏ប៉ុន្តែ តែ Gong Cha Milk Foam ជាតែប្រចាំត្រកូលរបស់ហាងនេះ។ បើបានទៅដល់ហើយ សូមកុំភ្លេចក្រេបយករសជាតិស្រទន់របស់វាណ៎ា!
ទទួលយកអារម្មណ៍រីករាយនៅហាង Gong Cha ទាំងអស់គ្នា! Gong Cha មានទីតាំងនៅផ្ទះលេខ២០ ផ្លូវ៥១ សង្កាត់បឹងកេងកង១ ខណ្ឌចំការមន រាជធានីភ្នំពេញ (ខាងក្រោយវត្តលង្កា)។ ទូរសព្ទលេខ ០៩៨ ៧៧៧ ២២១៕
អត្ថបទ៖ ផល្លា សុម៉ាលីណា
0 comments:
Post a Comment