លើកទឹកចិត្តមនុស្សបរាជ័យរបៀបណា
.jpg)
នៅ ពេល ដែល អ្នក លើក ទឹក ចិត្ត អ្នក ដទៃ និងដាក់ ចិត្ត ជឿ ជាក់ លើ ពួក គេ ហើយ ធ្វើ ឲ្យ ពួក គេ ចាប់ ផ្តើ ម ជឿ ជាក់ លើ ខ្លួន ឯង ថា ពួក គេពិត ជា អាច ទទួល បាន ជោគ ជ័យ នោះ ពួក គេ នឹង ឈាន ដល់ ផ្លូវ ខ្វែង នៃ ជីវិត ដ៏ សំខាន់ក្នុង ពេល ឆាប់ៗ។
នៅ លើក ទី មួយ ឬ ទី ពីរ ដែល ពួក គេ បរាជ័យ ហើយ ពួក គេ នៅតែ បរាជ័យ ទៀត ដោយ សារ តែ វា ជាធម្មជាតិ ក្នុង ជី វិត របស់ មនុស្ស នោះ ពួ កគេ អាច មាន ជម្រើស ពីរ ដើម្បី ដើរ ។ ពួក គេ អាច បោះ បង់ ការ តស៊ូ ចោល ឬ ក៏ បន្ត ធ្វើ វា តទៅ ទៀត។
មនុស្ស មួយ ចំនួន ងាយ ស្រួលនឹង មាន អារម្មណ៍ ធូរ ស្រាល វិញ និង បន្ត ព្យាយាម តទៅ ទៀត ដើម្បី ជោគជ័យ ទោះ បី ជា ពុំ មាន ដំណើរ ការល្អ ដែល ពួក គេ អាចមើល ឃើញ ភ្លាមៗ ក៏ ដោយ។ ប៉ុន្តែ អ្នក ខ្លះ មិន មាន ការ ប្តេជ្ញាចិត្ត ដូច្នេះ ទេ។ អ្នក ខ្លះ ទៀត ងាយ ស្រួល នឹង បាក់ ទឹក ចិត្ត បន្ទាប់ ពី ពួក គេ មើល ឃើញ បញ្ហាមួយ ចំនួន។ ដើម្បី លើក ទឹកចិត្ត ពួកគេ អ្នក ត្រូវតែ រក្សា ការ បង្ហាញ ការ ជឿ ជាក់ របស់ អ្នក លើ ពួកគេ ទោះ បី ជាពួក គេ មាន កំហុស មួយ ចំនួន ឬ ធ្វើ ការ មិនបា ន ល្អ ក៏ ដោយ។
មធ្យោបាយ មួយ ក្នុង ការ ធ្វើ រឿង នេះ គឺ ការ ប្រាប់ ពួក គេ អំពី បរាជ័យ ពី អតី ត កាល របស់ អ្នក។ ជួន កាល ពួក គេ គិត ថា ដោយសារ តែ អ្នក ទទួល បាន ជោគជ័យ នា ពេល បច្ចុប្បន្ន អ្នក តែង តែ ធ្វើ អីចឹង ហើយ។ ពួក គេ មិនគិត ថា អ្នក ក៏ ធ្លាប់ ទទួល បាន បរាជ័យ កាល ពី អតីតកាល ដែរ ។ ចូរ អ្នក បង្ហាញ ពួកគេ ថា ភាពជោគជ័យ គឺ ជា ការ ធ្វើ ដំណើរ ផ្សង ព្រេង មិន មែន ជា ទិសដៅ នោះទេ។ នៅ ពេល ដែល ពួកគេ យល់ ថា អ្នក ធ្លាប់ ទទួលបាន បរាជ័យ ប៉ុន្តែ នៅ តែ ខិតខំ យក ជោគជ័យ ឲ្យ ទាល់ តែបាន នោះ ពួក គេ នឹង យល់ ថា វា មិន អី ទេ ប្រសិន បើ ពួក គេ ទទួល បាន បរាជ័យនោះ។ ភា ព ជឿ ជាក់ របស់ ពួកគេ នឹង នៅ តែ ស្ថិត ស្ថេរ។ ជើង ឯក Baseball ឈ្មោះ បាបេ រូត បាន និយាយ ថា “សូម កុំ ឲ្យ ភាព ភ័យ ខ្លាច នឹង ការ វាយ ខុស បាល់ មក ជ្រៀត ជ្រែក ក្នុង ផ្លូវ របស់ អ្នកឲ្យសោះ។”
ការ ទទួល បាន បទ ពិសោធន៍ ក្នុង ការ ទទួល បាន ជ័យ ជំនះ ជាមួយគ្នា
វាមិន គ្រប់ គ្រាន់ ទេ បើគ្រាន់ តែ ដឹង អំពី ការ បរាជ័យ ថា ជាផ្នែក មួយ នៃ ជីវិត ក្នុង ការ ឆ្ពោះ ទៅ មុខនោះ។ ដើម្បីមាន ការ ជម្រុញ ទឹកចិត្ត ក្នុង ការ ទទួល បាន ជោគជ័យ យ៉ាង ពិត ប្រាកដ មនុស្ស យើ ង ត្រូវ ការ ការ ជឿ ជាក់ ថា ពួកគេពិត ជា អាចទទួល បាន ជោគ ជ័យប្រាកដ មែន។
ការ ទទួល បាន ជោគ ជ័យ គឺ ជា ការ លើក ទឹកចិត្ត។ អ្នក និពន្ធ រឿ ង ប្រលោម លោក ដាវីដ អាមប្រ៊ូស បាន លើក ឡើង ថា “ប្រសិន បើ អ្នក មានឆន្ទៈ ដើម្បី ទទួល បាន ជោគ ជ័យ នោះ អ្នក បាន ជោគជ័យ ពាក់ កណ្តាល រួច ទៅ ហើយ ប៉ុន្តែ ប្រសិន បើ អ្នក មិន មាន ទេ អ្នក បរាជ័យ ពាក់ កណ្តាល រួច ទៅ ហើយ។” ការ ចាំ ជួយ ជ្រោមជ្រែង ឲ្យ ពួក គេ ទទួល បាន ជោគ ជ័យ ជាមួយ អ្នក អ្នក កំពុង តែ ផ្តល់ ហេតុផលឲ្យ ពួក គេ ជឿ ជាក់ ថា ពួក គេ នឹង អាចទទួល បាន ជោគ ជ័យ យ៉ាង ប្រាកដ មែន។ វា គឺ ជា ពេល ដែល រឿង ដែល មិន គួរ ឲ្យ ជឿ ចាប់ ផ្តើម កើត ឡើង នៅ ក្នុងជីវិត របស់ ពួក គេហើយ។
ដើម្បី ជួយ ឲ្យ អ្នក ដទៃ ជឿ ជាក់ ថា ពួក គេ អាច ទទួល បាន ជោគជ័យ នោះ ចូរ អ្នក ផ្តល់ ឱកាស ឲ្យ ពួក គេ ទទួល បាន ជោគជ័យ បន្តិច បន្ទួច ផង។ ចូរ អ្នក លើក ទឹក ចិត្ត ពួក គេ ឲ្យ ធ្វើ កិច្ច ការ ឬ ទទួល ខុស ត្រូវ លើ កិច្ច ការ ណាមួយ ដែល អ្នក ជឿ ថា ពួក គេ អា ច ធ្វើ បានល្អ ហើយ ចូរ ជួយ ពួក គេ នៅ ពេល ដែល ពួក គេ ត្រូវ ការ វា ដើម្បី ទទួល បាន ជោគជ័យ។ នៅ ពេល ដែល ពួ ក គេ កាន់ តែ មាន ជំនឿ ទុក ចិត្ត ហើយ ពួក គេ នឹង ចាប់ ផ្តើម ធ្វើ រឿង កាន់ តែ លំបាក ថែមទៀត ប៉ុន្តែ ពួក គេ ហ៊ាន ប្រឈមមុខ នឹង វា ជាមួយ នឹង ការ ជឿ ជាក់ និង សមត្ថភាពដោយ សារ តែ លទ្ធ ផល វិជ្ជមាន នានា ដែល ពួកគេ បាន បង្ក បង្កើត ឡើង៕
0 comments:
Post a Comment