នាពេលដែលឆ្នាំសិក្សាថ្មីខិតជិតចូលមកដល់ ប្រិយមិត្តដែលត្រៀមចូលសិក្សានៅតាមបណ្ដាសាកលវិទ្យាល័យតែងតែមានការព្រួយបារម្ភមិនដឹងថាត្រូវប្រើកុំព្យូទ័របែបណាឲ្យសមស្របទៅនឹងការសិក្សាឬមុខជំនាញរបស់ខ្លួន ។
អាន៖ សាកលវិទ្យាល័យ សម្រាប់សិក្សាជំនាញព័ត៌មានវិទ្យា
សម្រាប់ យុវជន តាំង សុខលី ជានិស្សិតនៃសាកលវិទ្យាល័យភូមិន្ទភ្នំពេញបានឲ្យដឹងថាខ្លួនមិនមែនជាកូនអ្នកធូរធារអ្វីទេប៉ុន្តែលោកបានបន្តការសិក្សាជាមួយគេឯងដោយមិនមានការអាក់អន់អ្វីឡើយ។ លោកបានទិញកុំព្យូទ័រលើតុមួយដាក់នៅផ្ទះជួលដែលខ្លួនស្នាក់នៅទុកសម្រាប់អនុវត្តកិច្ចការផ្ទះដែលតម្រូវធ្វើតាមកុំព្យូទ័រ ។
យុវជនរូបនេះបន្តថាសម្រាប់នៅសាលាក៏មានម៉ោងសម្រាប់អនុវត្តន៍ដោយកុំព្យូទ័រដែរដូចនេះមិនបាច់មាន Laptop ក៏បានដែរ ។ យុវជនដដែលបន្ថែមថាបើមានលុយល្មមៗអាចទិញ Laptop បានក៏ល្អដែរ ប៉ុន្តែបើយកលុយដែលទិញ Laptop នោះទៅទិញកុំព្យូទ័រលើតុវិញគឺបានកម្លាំងដំណើរការនៃម៉ាស៊ីនកុំព្យូទ័រនោះកាន់តែធំហើយល្អជាង Laptop ។ ទោះយ៉ាងណា មុននឹងទិញកុំព្យូទ័រត្រូវតែតាមដានមើលតម្លៃតាមអ៊ីនធឺណិត ហើយពិចារណាថាមួយណាដែលមានតម្លៃសមរម្យនិងស្របទៅតាមការសិក្សា ហើយត្រូវសួរសិស្សច្បងដែលរៀនមុនថាតម្រូវការយ៉ាងណាចំពោះការសិក្សា ជៀសវាងខាតបង់លុយកាក់និងពេលវេលា ។
ចំណែកនៅវិទ្យាស្ថានស៊ីតិចយុវជន សម្បូរ ជានិស្សិតផ្នែក Design បានឲ្យដឹងដែរថាការសិក្សាដោយមិនមានកុំព្យូទ័ររៀនមិនទាន់គេទេបើអាច ត្រូវតែមានកុំព្យូទ័រផ្ទាល់ខ្លួនមួយមិនថាកុំព្យូទ័រលើតុ ឫ Laptop ទេសុទ្ធតែមានប្រយោជន៍ទាំងអស់សម្រាប់ការសិក្សារបស់និស្សិតម្នាក់ៗ ។ លោកបានបន្តថា ៖”ខ្ញុំទើបតែទិញ Laptop មួយគ្រឿងតម្លៃត្រឹមតែជាង ៣០០ ដុល្លារ ទេហើយអាចសមស្របទៅតាមការសិក្សារបស់ខ្ញុំអាចប្រើកម្មវិធីដែលខ្ញុំបានសិក្សាសព្វថ្ងៃ” ។ លោកបានបន្ថែមទៀតថាមុនពេលដែលលោកទិញគឺបានសន្សំលុយកាក់ទើបទិញបានរបស់ជាទីគាប់ចិត្តហើយទៅណាមកណាលោកតែងតែយកវាទៅជាមួយជានិច្ច មិនថាទៅធ្វើកិច្ចការសាលាជាមួយមិត្តភក្តិនៅទីណាទេគឺងាយស្រួល ។
កំពុងអង្គុយលេងជាមួយមិត្តភក្តិនៅមុខសាកលវិទ្យាល័យ ន័រ តុន និស្សិត អ៊ាម ហេង បានឲ្យដឹងថាសម្រាប់លោករៀនសំណង់ស៊ីវិលគឺត្រូវការកុំព្យូទ័រដែលមានកម្លាំងដំណើរការធំបន្តិចព្រោះរាល់កម្មវិធីដែលតម្រូវឲ្យសិក្សាគឺតម្រូវការខ្ពស់ទើបអាចធ្វើការងារបានឆាប់រហ័ស ឧទាហរណ៍សម្រាប់ កុំព្យូទ័រលើតុ Laptop ក៏បាន (Ram= 4GB , VGA = ដាច់ ឫ ជាប់ , HDD = 320 GB ឫ 500 GB សម្រាប់ផ្ទុកឯកសារផ្សេងបានច្រើន ) សម្រាប់អ្នកមានលុយល្មមៗអាចទិញជាកុំព្យូទ័រលើតុក៏បានដែរព្រោះថាធូរថ្លៃ ហើយ ធន់។ មុននឹងទិញ Laptop ប្រើប្រាស់ លោកបានសួរនាំពីបងប្រុសនិងមិត្តភក្តិដែលគេមានចំណេះដឹងល្អជាងលោក ហើយ កុំព្យូទ័រម៉ាកអ្វីក៏ល្អសម្រាប់ការសិក្សាដែរ ឲ្យតែការប្រើប្រាស់មានការថែរក្សារបស់នឹងប្រើប្រាស់បានយូរអង្វែង ។
ជាការពិតណាស់នាពេលបច្ចុប្បន្ននេះ ភាគច្រើននិស្សិតមាន Laptop ស្ទើរគ្រប់ដៃទៅហើយ ព្រោះថាបច្ចុប្បន្ន Laptop ក៏មានលក់ច្រើនដូចនេះហើយតម្លៃក៏ចុះទៅតាមហ្នឹងដែរពីមួយឆ្នាំទៅមួយឆ្នាំ ។ ចំណែកនៅតាមបណ្ដាក្រុមហ៊ុនឫកន្លែងធ្វើការនានាភាគច្រើនគឺមានកុំព្យូទ័រលើតុសម្រាប់បុគ្គលិកប្រើប្រាស់ក្នុងការងារ។
ចុះប្រិយមិត្តវិញគិតថាសិស្សនិស្សិតទាំងអស់ត្រូវពិចារណាលើកត្តាអ្វីខ្លះមុននឹងទិញកុំព្យូទ័រ?
0 comments:
Post a Comment