គេហទំព័រដ៏ល្បីរបស់ប្រទេសឥណ្ឌូណេស៊ី The Jarkata Post បានសរសើររាជធានី និងជាបេះដូងនៃព្រះរាជាណាចក្រកម្ពុជា គឺទីក្រុងភ្នំពេញថានៅតែជាទីក្រុងគជ់តែមួយគត់របស់អាស៊ី។
ក្នុងអត្ថបទចុះផ្សាយកាលពីថ្ងៃម្សិលមិញ The Jarkata Post បានដាក់ចំណងជើងថា “Phnom Penh: Still a pearl of Asia” ដោយបានអួតសរសើរកេរដំណែលវប្បធម៌ សំណង់អគារផ្សេងៗដែលបានបន្សល់ទុកតាំងពីសម័យអាណានិគមនិយមបារាំង ហើយគេហទំព័រនេះ ក៏បានសរសេររៀបរាប់ពីសម្រស់ឆើតឆាយរបស់ទីក្រុងភ្នំពេញដែលកំពុងទទួលបានចំណាប់អារម្មណ៍ពីភ្ញៀវទេសចរណ៍ និងត្រូវបានគេមើលឃើញជាទូទៅថា ជាទីក្រុងមួយដែលបានផ្ដល់សេវាកម្មដ៏សមស្របបំផុតមួយសម្រាប់ទេសចរណ៍នៅពេលបច្ចុប្បន្ននេះ។
សូមអាន៖អ្នកបុរាណវិទ្យាអូស្រ្តាលីរកឃើញអាថ៌កំបាំងគួរឲ្យភ្ញាក់ផ្អើលនៅទីតាំងអតីតរាជធានីអង្គរ
ជាមួយនឹងការលើកឡើងពីតំបន់គោលដៅទេសចរណ៍ជាច្រើនដែលក្នុងនោះរួមមាន ភាពល្អឯកគ្មានគូប្រៀបនៃសារមន្ទីរជាតិ ព្រះបរមរាជវាំង ទិដ្ឋភាពនៅតាមមាត់ទន្លេ ផ្សារចាស់ៗ និងទីតាំងមួយចំនួនទៀតដែលបានបន្សល់ទុកតាំងពីសម័យបារាំង និងសង្គមរាស្ត្រនិយមរហូតមកដល់បច្ចុប្បន្ន ដែលបានបង្ហាញថា ទីក្រុងមួយនេះមានវប្បធម៌សម្បូរបែបជាងទីក្រុងផ្សេងៗទៀតនៅអាស៊ី។
ទន្ទឹមនឹងនេះគេហទំព័រនេះ ក៏បានសរសើរពីសេវាកម្មល្អលើមធ្យោបាយធ្វើដំណើរ ការស្នាក់នៅ កន្លែងកម្សាន្ត សណ្ឋាគារ ភោជនីយដ្ឋានទំនើបៗតាមបែបខ្មែរ និងអឺរ៉ុប រួមទាំងរបៀបរបបរស់នៅរបស់ប្រជាពលរដ្ឋប្រមាណជិត ២លាននាក់ បានធ្វើឲ្យមាតុភូមិមួយនេះវិវឌ្ឍយ៉ាងសម្បូរបែប និងរស់រវើក ដែលសក្តិសមបំផុតក្លាយជាទីក្រុងគជ់នៅអាស៊ី៕
0 comments:
Post a Comment