ក្រោយស្ងាត់អស់ជាច្រើនខែរួចមក ក្រុមហ៊ុនទូរសព្ទកាណាដា BlackBerry បានប្រកាសចេញ Smartphone ម៉ូដែលថ្មីមួយទៀតហើយគឺ BlackBerry Z30 ដំណើរការដោយប្រព័ន្ធប្រតិបត្តិការថ្មីចុងក្រោយគឺ BB10.2 OS។
BlackBerry Z30
លក្ខណៈសម្បត្តិរបស់ទូរសព្ទស៊េរីថ្មីនេះ មានអេក្រង់ ៥អ៊ីញ ប្រភេទ Super AMOLED ជាមួយ resolution 1280 x720px។ រីឯដង់ស៊ីតេភិចហ្សែលវិញមានទំហំ 295ppi។ Z30 នេះបានបំពាក់ chip Snapdragon S4 Pro ល្បឿន 1.7GHz ប្រភេទ dual-core ហើយមាន RAM ទំហំ 2GB។
ក្រៅពីនេះ BlackBerry Z30 នៅមានលក្ខណៈសម្បត្តិជាច្រើនទៀតដូចជា ៖ កម្រិតថាមពលថ្ម 2880mAh, មានវិមាត្រ (ប xទទ x កម្រាស់) ១៤០,៧ មម x ៧២មម x ៩,៤មម, គាំទ្រប្រព័ន្ធបណ្ដាញ 4G LTE dual-band Wi-Fi 802.11 a/b/g/n, Bluetooh 4.0 និងមានមុខងារផ្ទេរទិន្នន័យ NFC។
កាមេរ៉ានៅលើ Z30 មានទំហំ 8MP ជាមួយ f/2.2 lens ហើយថតវីដេអូបាន 1080p។ អាចប្រើ video call ជាមួយកាមេរ៉ាមុខទំហំ 2MP ដែលថតវីដេអូបាន 720p។ ស្របពេលនេះដែរ ក្រុមហ៊ុនបានជូនដំណឹងដល់អតិថិជនរបស់ខ្លួន ដោយនឹងដាក់ចេញប្រព័ន្ធប្រតិបត្តិការ BB10.2 ឱ្យ Smartphone ស៊េរីមុនៗ update បានអំឡុងពាក់កណ្ដាលខែតុលាខាងមុខនេះហើយ៕
BlackBerry ម៉ូដែលថ្មីនេះ ពុំទាន់មានព័ត៌មានលម្អិតពីតម្លៃនៅឡើយទេ គ្រាន់តែដឹងថា នឹងចេញលក់នៅអង់គ្លេសដើមអាទិត្យក្រោយ៕
ចុចត្រង់នេះ ដើម្បីតាមដានផលិតផលបច្ចេកវិទ្យាថ្មីៗដទៃទៀត …
0 comments:
Post a Comment