ក្លិប​យក្ស​ក្នុង​តំបន់​អឺរ៉ុប​ទាំង​ពីរ គឺ Barcelona និង Bayern Munich បាន​ឈ្នះ​ការ​ប្រកួត​ ៤-០ ដូច​គ្នា​នៅ​ក្នុង​លីក​រៀងៗ​ខ្លួន​យប់​មិញ​នេះ។

ជ័យជម្នះ ៤-០ លើ Rayo Vallecano របស់​ Barca បាន​ធ្វើ​ឲ្យ​ក្លិប​នេះ​អាច​រក្សា​កំណត់ត្រា​ ១០០% នា​ដើម​រដូវ​កាល​បាន​បន្ត​ទៀត​ ដោយ​ឈ្នះ​៥ប្រកួត​ជាប់​គ្នា ឈរ​នៅ​កំពូល​តារាង La Liga របស់​អេស្ប៉ាញ។ ចំណែក​ការ​ឈ្នះ ៤-០ របស់ Bayern Munich លើ​ក្រុម​ Schalke វិញ ក៏​ធ្វើ​ឲ្យ​ក្រុម​នេះ​កើន​ពិន្ទុ​ស្មើ​ក្រុម​កំពូល​តារាង Borussia Dortmund នៅ Bundesliga របស់​អាល្លឺម៉ង់​ផង​ដែរ ដោយ​ចាញ់​តែ​ចំនួន​គ្រាប់​បាល់​សំណល់​ប៉ុណ្ណោះ។

កីឡាករ​ក្រុម Barcelona អបអរ​ក្រោយ​ស៊ុត​បញ្ចូល​ទី

Mandzukic អបអរ​ជាមួយ​មិត្ត​រួម​ក្រុម​ក្រោយ​តែត​បញ្ចូល​ទី​​គ្រាប់​ទី​២ឲ្យ Bayern Munich (រូបភាព FIFA)

៤គ្រាប់​របស់​ក្រុម​លោក Gerardo Martino ធ្វើ​បាន​ដោយ Pedro ៣គ្រាប់​ម្នាក់​ឯង និង​ Fabregas ១គ្រាប់ ខណៈ​៤គ្រាប់​របស់​ក្រុម​លោក Pep Guardiola វិញ ធ្វើ​បាន​ដោយ Schweinsteiger, Mandzukic, Ribery (ចុច​អាន​ប្រវត្តិ​តស៊ូ​របស់ Ribery មុន​ក្លាយ​ជា​កីឡាករ​ល្បី) និង Pizarro ម្នាក់​មួយ​គ្រាប់។ ចង់​ដឹង​ការ​ប្រកួត​របស់​ក្រុម​ទាំង​ពីរ​នេះ​យ៉ាង​ណា​នោះ សូម​មើល​វីដេអូ​ហាយឡាយ​ខាង​ដូច​ខាង​ក្រោម​នេះ៖

ដោយ៖ សុខ សុវត្ថិ