Kaka ស៊ុតគ្រាប់ទី ១០០ សម្រាប់ក្រុម AC Milan នៅទឹកដី San Siro ពេល ឈ្នះ Atalanta ៣-០ យប់មិញ ។ ខ្សែបម្រើអន្តរជាតិប្រេស៊ី ស៊ុតគ្រាប់បើកឆាកនៅនាទីទី ៣៥ ទម្លាយអ្នកចាំទី Andrea Consigli បន្ទាប់ពីការបញ្ជូនបាល់របស់ Urby Emanuelson ដែលប្រើល្បឿនវាយបកតាំងពីពាក់កណ្ដាលតារាង។ គ្រាប់នេះ Kaka បានអបអរសាទរដោយលើកបង្ហាញអាវ “Kaka 100” នៅចំពោះមុខក្រុមអ្នកគាំទ្រខណៈពិធីករ ស្រែកខ្លាំងៗយ៉ាងរំជួលចិត្ត។
ដោយពាក់ស្លាកប្រធានក្រុម Kaka បានស៊ុតគ្រាប់ទី២របស់ខ្លួន ក្នុងប្រអប់គ្រោះថ្នាក់ នៅទីទី ៦៥ដែលឈានដល់គ្រាប់ទី ១០១ សម្រាប់ក្រុម។
តាម goal.com បានសរសេរថា ៩៥ គ្រាប់ដែលស៊ុតកន្លងមកនៅ AC Milan គឺចន្លោះពីឆ្នាំ២០០៣ ដល់ឆ្នាំ២០០៩។ ចំណែក៤គ្រាប់ទៀត អតីតកីឡាកររបស់ Real Madrid រូបនេះរកបានពេលជួប Catania, Genoa, Lazio និង Celtic។
មើលវីដេអូគ្រាប់ទី១ សឹងតែអស់មុំហើយនៅស៊ុតបានល្អទៀត
0 comments:
Post a Comment