ជាមហាសេដ្ឋីល្បីឈ្មោះម្នាក់គ្រប់គ្រងលើក្រុមហ៊ុនសំណង់ដ៏ធំនៅប្រទេសចិន លោក Zhang Yue បាននិយាយថា លោកនឹងសាងសង់អគារខ្ពស់បំផុតក្នុងលោកក្នុងរយៈពេលត្រឹមតែ៦ខែតែប៉ុណ្ណោះ។
អនាគតអគារខ្ពស់បំផុតក្នុងលោក Sky City របស់ចិន
សូមចុចអាន៖ ប្រទេសណាដែលមានសំណង់អគារខ្ពស់ៗច្រើនជាងគេ?
ផ្ទុយពីការលើកឡើងរបស់អាជ្ញាធរដែលទាមទារឲ្យមានការត្រួតពិនិត្យ និងសិក្សាវាយតម្លៃឲ្យបានច្បាស់លាស់លើគុណភាពសំណង់ខ្ពស់បំផុតក្នុងលោកដែលហៅថា Sky City មហាសេដ្ឋីខាងលើបានអះអាងថា ក្រុមហ៊ុនរបស់លោកនឹងបញ្ចប់ការសាងសង់អគារមួយនេះក្នុងរយៈពេល៦ខែ នៅមុនដំណាច់ឆ្នាំ២០១៤នេះ។
មានទ្រព្យប្រមាណជា ១៨០លានដុល្លារ មហិច្ឆតារបស់មហាសេដ្ឋីវ័យ៥៣ឆ្នាំរូបនេះ បានទទួលរងការចំអក និងការរិះគន់ជាខ្លាំងពីសាធារណជនដោយនិយាយថា លោកកំពុងដេកយល់សប្តិទាំងកណ្ដាលថ្ងៃហើយ ត្បិតអីគម្រោងសាងសង់អគារដ៏មហិមានេះត្រូវប្រើប្រាស់ពេលវេលាជាច្រើនឆ្នាំ។
មហាសេដ្ឋីចិនលោក Zhang Yue
សូមចុចអាន៖ មើលអគារចិនមួយនេះចុះ ដួលរលំទាំងភ្នែនតែម្ដង!
ទោះបីជាយ៉ាងណាក៏ដោយ លោកZhang Yue នៅតែបញ្ជាក់ជំហរយ៉ាងមុតមាំថា អាគារកម្ពស់ ៨៣៨ម៉ែត្រថ្មីមួយនឹងបណ្ដែតខ្លួនលើទឹកដីចិននៅពេលខាងមុខពិតប្រាកដមែន ហើយថាក្រុមហ៊ុនរបស់លោកពិតជាមានសមត្ថភាពសាងសង់ឡើងតាមការគ្រោងទុក។ គេក៏ពិបាកស្មានដែរ ពីព្រោះថា នៅពេលកន្លងមកក្រុមហ៊ុនរបស់លោក Zhang ក៏ធ្លាប់បានសាងសង់ជោគជ័យលើអគារកម្ពស់៣០ជាន់ត្រឹមតែរយៈពេល១៥ថ្ងៃប៉ុណ្ណោះ។
គម្រោងសាងសង់អគារ Sky City ខាងលើដែលមានកម្ពស់ខ្ពស់ជាងអគារខ្ពស់បំផុតក្នុងលោកបច្ចុប្បន្ន Burj Khalifa នៅទីក្រុងឌុយបៃចំនួន១០ម៉ែត្រ ត្រូវបានគេពន្យារពេលម្ដងរួចមកហើយកាលពីឆ្នាំទៅក្រោមហេតុផលថា គ្មានបច្ចេកទេសគ្រប់គ្រាន់លើសំណង់មួយនេះ៕
ការប្រៀបធៀបអគារខ្ពស់បំផុតក្នុងលោក Sky City និងអគារខ្ពស់ៗផ្សេងទៀតនៅជុំវិញពិភពលោក
0 comments:
Post a Comment