ខ្សែបម្រើស្លាប Ashley Young របស់ក្រុមបិសាចក្រហម Manchester United និយាយថាការណ៍ដែលក្រុមលេងអន់ក្នុងរដូវកាលនេះមិនមែនជាកំហុសរបស់អ្នកចាត់ការថ្មី David Moyes តែម្នាក់ឯងនោះទេ ប៉ុន្តែកីឡាករទាំងអស់គ្នាក៏មានចំណែកទទួលខុសត្រូវក្នុងការធ្លាក់ចុះនៃទម្រង់លេងរបស់ក្រុម។
អត្ថបទ៖ Man Utd ចាញ់ Newcastle ក្នុងដីលើកដំបូងតាំងពីឆ្នាំ១៩៧២
កាលពីថ្ងៃចន្ទ លោក Moyes ដែលត្រូវលោក Sir Alex Ferguson នាំយកពី Everton មកស្នងតំណែងរបស់លោកនៅ Old Trafford បានរ៉ាប់រងកំហុសទាំងអស់ចំពោះលទ្ធផលមិនជាទីគាប់ចិត្តរបស់ក្រុមបិសាចក្រហមដោយនិយាយថាលោកជាអ្នកទទួលខុសត្រូវទាំងស្រុងលើលទ្ធផលរបស់ក្រុមនិងរាល់ការស្ដីបន្ទោសនានាពីអ្នកគាំទ្រ។
ប៉ុន្តែខ្សែបម្រើអន្តរជាតិអង់គ្លេសវ័យ២៨ឆ្នាំ Young គិតថាក្រុមទាំងមូលមានកាតព្វកិច្ចធ្វើឱ្យមានភាពប្រសើរឡើងនៃលទ្ធផលរួមគ្នា មិនមែនពឹងតែលើអ្នកចាត់ការតែម្នាក់ឯងនោះឡើយ។ អតីតយុវជនរបស់ក្រុម Watford ដែលផ្ទេរពី Aston Villa មកលេងឱ្យ Man Utd តាំងពីខែមិថុនាឆ្នាំ២០១១ក្នុងតម្លៃ១៨លានផោន បញ្ចេញទស្សនៈថា៖ “ពិតណាស់កីឡាករមានចំណែកទទួលខុសត្រូវព្រោះពួកយើងជាអ្នកប្រកួតនៅលើទីលាន។ គ្រប់គ្នាទទួលខុសត្រូវទាំងអស់គ្នា ទាំងអ្នកចាត់ការ ទាំងបុគ្គលិករបស់គាត់និងកីឡាករ។ បើឈ្នះយើងឈ្នះទាំងអស់គ្នា បើចាញ់យើងចាញ់ទាំងអស់គ្នា”។
អត្ថបទ៖ Everton ទប់ Arsenal មិនឲ្យនាំមុខ៧ពិន្ទុ
លោក David Moyes ខ្ទប់មុខពេល Man Utd ចាញ់ Man City កន្លងមក
ក្រុមបិសាចក្រហមចាញ់ក្នុងដី២ប្រកួតជាប់ៗគ្នាក្នុងក្របខ័ណ្ឌ Barclays Premier League គឺចាញ់ Everton ០-១ មុនពេលចាញ់ Newcastle ០-១ ដែលជាបរាជ័យក្រោមថ្វីជើងក្រុមសារិកាព្រៃនៅ Old Trafford ជាលើកដំបូងក្នុងរយៈពេល៤១ឆ្នាំចុងក្រោយ។ យ៉ាងណាក្ដី ក្រុមជើងឯកលីកកំពូលអង់គ្លេស២០សម័យនេះគេចផុតពីការចាញ់ក្នុងដី៣ជាប់ៗគ្នាក្នុងរយៈពេល៥១ឆ្នាំដោយយកឈ្នះក្រុមខ្លាំងរបស់អ៊ុយក្រែន Shakhtar Donetsk ១-០ ម្សិលម្ង៉ៃក្នុងពានរង្វាន់ UEFA Champions League។ បច្ចុប្បន្នក្រុមនេះកំពុងឈរលេខរៀងទី៩ក្នុងលីកកំពូលអង់គ្លេសបន្ទាប់ពីលេង១៥ប្រកួត ឈ្នះ៦ ស្មើ៤ ចាញ់៥ដង៕
អត្ថបទ៖ ចង់ដឹងអត់ថាកីឡាករល្បីៗបោះឲ្យ Messi, Ribery ឬ CR7?
តើប្រិយមិត្តយល់ស្របនឹងការលើឡើងរបស់ Ashley Young ឬទេ?
0 comments:
Post a Comment