Yoon Eun-hye ចេញពី Baby V.O.X ជាការសម្រេចចិត្តមួយដ៏ត្រឹមត្រូវ
ប៉ុន្មានឆ្នាំចុងក្រោយនេះ ប្រជាប្រិយភាពរបស់ក្រុមតារាចម្រៀងស្រីកូរ៉េ Baby V.O.X ហាក់បីដូចជាស្រុតចុះទៅៗ រហូតមកទល់ពេលនេះ Baby V.O.X នៅមិនទាន់ចេញវ៉ុលថ្មីរបស់ខ្លួននៅឡើយទេ។
ភាពស្ងប់ស្ងាត់របស់ Baby V.O.X ត្រូវបានមហាជនទូទៅបានកត់សម្គាល់ថា ការចាកចេញពីក្រុមរបស់តារាចម្រៀងដ៏ស្រស់ស្អាត Yoon Eun-hye ជាការសម្រេចចិត្តមួយដ៏ត្រឹមត្រូវក្នុងការបន្តអាជីពក្នុងពិភពសិល្បៈ ខណៈដែលសមាជិក Baby V.O.X ដទៃទៀតហាក់បីដូចជាមិនសូវមានឈ្មោះបោះសំឡេងដូចកាលពីបួនប្រាំឆ្នាំសោះ។
Yoon Eun-hye ចាកចេញពីក្រុមរបស់នាង ( Baby V.O.X ) នៅឆ្នាំ ២០០៥ ដោយងាកមករកការសម្ដែងក្នុងកុនវិញម្ដង បន្ទាប់ពីសម្លឹងមើលឃើញទីផ្សារសម្ដែងភាពយន្ដហាក់បីដូចជាផ្ដល់ឱកាសការងារ និងប្រជាប្រិយភាពជាងការច្រៀង។
ឆ្នាំ ២០០៦ Yoon Eun-hye បានចាប់ផ្ដើមដើរជាតួឯកក្នុងសាច់រឿងមួយមានចំណងជើងថា ” Princess Hours ”។ ចាប់ពីពេលនោះមក Yoon Eun-hye ហាក់បីដូចជាទទួលប្រជាប្រិយភាពបានយ៉ាងលឿនមែនទែន ពាក់ព័ន្ធនឹងទេព្យកោសល្យសម្ដែងរបស់នាង។ ជុំវិញភាពជោគជ័យលើអាជីពសម្ដែងនេះ Yoon Eun-hye បានទទួលពានសរុប ១៨ ពាន ហើយគិតត្រឹមឆ្នាំ ២០១៣នេះ។ សាច់រឿងដែលធ្វើនាងកាន់តែលេចធ្លោថ្មីៗនេះគឺ ” Missing you ” ។
Yoon Eun-hye កើតនៅថ្ងៃទី ៣ ខែតុលា ឆ្នាំ ១៩៨៤។ Yoon Eun-hye ចាប់ផ្ដើមចូលក្នុងវិស័យសិល្បៈតាំងពីឆ្នាំ ១៩៩៩ ដោយចូលជាសមាជិក Baby V.O.X ។ ឆ្នាំ ២០០៥ នាងបានសម្រេចចិត្តចេញពីក្រុមមួយនេះ ដោយចាប់ជាអាជីពសម្ដែងនៅឆ្នាំ ២០០៦ ដោយធ្វើជាតួសម្ដែងផង និងជាអ្នកបង្ហាញម៉ូដផង៕
0 comments:
Post a Comment