បច្ចុប្បន្ននេះ Smartphone ត្រូវបានប្រើប្រាស់យ៉ាងទូលំទូលាយក្នុងការតាមដានសុខភាពរបស់អ្នកប្រើប្រាស់ តួយ៉ាងដូចជាការតាមដានកម្រិតកាឡូរីជាដើម។
នាពេលថ្មីៗនេះ ក្រុមអ្នកស្រាវជ្រាវមកពីសាកលវិទ្យាល័យ Cornell បានបង្កើតកម្មវិធី និងឧបករណ៍ពិសេសមួយសម្រាប់ Smartphone ដែលអាចវាស់កម្រិតកូឡេស្តេរ៉ូលបាន។
លោកអ្នកអាចវាស់កម្រិតកូឡេស្តេរ៉ូលបានដោយខ្លួនឯងដោយមិនចាំបាច់ទៅជួបគ្រូពេទ្យជំនាញទៀតនោះទេ ដែលធ្វើអោយលោកអ្នកចំណេញទាំងពេលវេលា និងថវិកា។
យោងតាមការសិក្សាស្រាវជ្រាវរបស់ខាងលើបានអោយដឹងថា ឧបករណ៍ពិសេសនេះបានភ្ជាប់ជាមួយបន្ទះសារធាតុសម្រាប់ធ្វើតេស្ត និងត្រូវបំពាក់ពីលើ Smartphone (មើលរូប) ហើយតម្រូវអោយអ្នកប្រើប្រាស់បន្តក់ឈាមរបស់ខ្លួនពីរបីដំណក់លើបន្ទះនេះ។ បន្តិចក្រោយមក បន្ទះសារធាតុនេះនឹងប្រែពណ៌ ទៅតាមកម្រិតកូឡេស្តេរ៉ូលដែលមានក្នុងឈាម ហើយពណ៌នេះនឹងត្រូវបានបង្ហាញក្នុងទូរសព្ទ smartphone តាមរយៈកម្មវិធីដែលបានដំឡើងរួចនោះ។ វាគឺជារឿងដែលគួរអោយភ្ញាក់ផ្អើលមួយដែលឧបករណ៍ពិសេសនេះបានប្រើប្រាស់កាមេរ៉ា និងFlash ដើម្បីចាប់យករូបភាពពណ៌ពីបន្ទះសារធាតុនេះមកបង្ហាញក្នុងទូរសព្ទ។
ចុះមិត្តអ្នកអានគិតយ៉ាងណាចំពោះរបកគំហើញថ្មីនេះ?
អាន៖ គំនិតច្នៃប្រឌិតដ៏អស្ចារ្យរបស់កូនខ្មែរ ដែលពិភពលោកនឹកស្មានមិនដល់
0 comments:
Post a Comment