ក្លិបមេឃខៀវ Manchester City បានវាយបកយកឈ្នះក្រុមជើងឯក Bayern Munich ៣-២ ដើម្បីបញ្ចប់កំណត់ត្រាឈ្នះ១០ប្រកួតជាប់គ្នានៅ Champions League របស់ក្រុមយក្សអាល្លឺម៉ង់មួយនេះ។ ជាមួយគ្នានេះដែរ កីឡាករ Cristiano Ronaldo របស់ Real Madrid ក៏បានបំបែកកំណត់ត្រាស៊ុតបញ្ចូលទីច្រើនជាងគេក្នុងប្រវត្តិសាស្រ្ដវគ្គសន្សំពិន្ទុតាមពូលនៅពានរង្វាន់ទី១របស់ទ្វីបអឺរ៉ុបនេះផងដែរ ក្រោយស៊ុតបញ្ចូលទី១គ្រាប់ទៀតយប់មិញនេះ។
កីឡាករក្រុម Manchester City អបអរក្រោយស៊ុតបញ្ចូលទី
Ronaldo ស៊ុតបញ្ចូលទី
Bayern បានគ្រប់គ្រងការប្រកួតនៅដើមតង់ទី១ ពោលគឺអាចបំប៉ោងសំណាញ់ទីក្រុមភ្ញៀវមកពីអង់គ្លេសមុនដល់ទៅ២គ្រាប់ដោយ Thomas Muller និង Mario Gotze។ យ៉ាងណាក្ដី Man City បានវាយបកវិញ៣គ្រាប់មិនគួរឲ្យជឿ ដោយ David Silva, Aleksandar Kolarov (ប៉េណាល់ទី) និង James Milner។
លទ្ធផលនេះជួយឲ្យក្រុមទាំង២ទទួលបាន១៥ពិន្ទុដូចគ្នាក្នុង៦ប្រកួតក្នុងពូល តែ Bayern ឈរនៅលេខមួយដោយសារមានចំនួនគ្រាប់បាល់ចំណេញច្រើនជាង។
ចំណែកអ្វីដែលគួរឲ្យចាប់អារម្មណ៍មួយទៀតក្នុងការប្រកួតយប់មិញដែរនោះ គឺ Cristiano Ronaldo បានក្លាយជាកីឡាករដំបូងគេក្នុងប្រវត្តិសាស្រ្ដ Champions League ដែលអាចស៊ុតបញ្ចូលទីបានដល់ទៅ៩គ្រាប់ក្នុងវគ្គសន្សំពិន្ទុតាមពូល។ អ្វីដែលគួរឲ្យកត់សម្គាល់ គឺកីឡាករប្រធានក្រុមជម្រើសជាតិព័រទុយហ្គាល់រូបនេះ មិនបានលេងគ្រប់ទាំង៦ប្រកួតនោះទេ ពោលគឺបានអវត្តមានពេល Real Madrid ជួប Galatasaray ដោយសារបញ្ហារបួស។
អត្ថបទទាក់ទង៖ Ronaldo, Messi, Ribery ជាប់ជាបេក្ខភាព Ballon d’Or ៣នាក់ចុងក្រោយ
កំណត់ត្រាចាស់ គឺជារបស់ Ruud van Nistelrooy, Filippo Inzaghi និង Hernán Crespo ដែលធ្វើបានម្នាក់៨គ្រាប់។
Ronaldo អបអរក្រោយស៊ុតបញ្ចូលទីបំបែកកំណត់ត្រា
ការត្រលប់ចូលទីលានវិញនេះ បេក្ខភាពដណ្ដើមពាន Ballon d’Or រូបនេះ បានស៊ុតបញ្ចូលទីនៅនាទីនៅនាទី៥៨ ក្រោយទទួលបាល់ពី Pepe ដែលជាគ្រាប់ទី២របស់ Real ក្នុងជ័យជម្នះលើ Copenhagen។ ១គ្រាប់នេះជាគ្រាប់ទី៥៩របស់គេក្នុង៩៦ប្រកួតក្នុងពានរង្វាន់នេះ។ យ៉ាងណាក្ដី CR7 គួរតែអាចធ្វើបានហ៊ែតទ្រីក ក្រោយស៊ុតបុកបង្គោលទី និងស៊ុតបាល់ពិន័យ១១ម៉ែត្រមិនចូល។
លទ្ធផលទាំង៨គូកាលពីយប់មិញ៖
| ពូល | លទ្ធផល | ក្រុមជាប់ទៅវគ្គ១៦ក្រុមចុងក្រោយ |
| A | Manchester United ១-០ Shakhtar Donetsk | ១. Manchester United (១៤ពិន្ទុ) ២. Leverkusen (១០ពិន្ទុ០ |
| Real Sociedad ០-១ Leverkusen | ||
| B | Kobenhavn ០-២ Real Madrid | ១. Real Madrid (១៦ពិន្ទុ) ២. ត្រូវប្រជែងគ្នារវាង Juventus (៦ពិន្ទុ) និង Galatasaray (៤ពិន្ទុ) |
| Galatasaray vs Juventus (ផ្អាក) | ||
| C | Benfica ២-១ PSG | ១. PSG (១៣ពិន្ទុ) ២. Olympiakos Piraeus (១០ពិន្ទុ) |
| Olympiakos ៣-១ Anderlecht | ||
| D | Bayern Munich ២-៣ Manchester City | ១. Bayern Munich (១៥ពិន្ទុ) ២. Manchester City (១៥ពិន្ទុ) |
| Victoria Plzen ២-១ CSKA Moscow |
ចំណែកក្រុមលេខ៣ក្នុងពូលទាំង៤ខាងលើ ដែលត្រូវទៅលេងនៅវគ្គ៣២ក្រុមចុងក្រោយនៅ Europa League រួមមាន Shakhtar Donetsk, Benficaនិង Victoria Plzen ចំណែក Juventus និង Galatasaray មិនទាន់ប្រាកដ។
James Milner ស៊ុតគ្រាប់ជ័យជម្នះឲ្យ Man City
នៅយប់នេះ នឹងមាន៨គូក្នុងពូល៤ផ្សេងទៀត ដែលមានដូចខាងក្រោម៖
| ពូល | គូប្រកួត | ម៉ោង |
| E | Chelsea vs Steaua Bucuresti | ២:៤៥រំលងអាធ្រាត្រ |
| Schalke vs Basel | ||
| F | Marseille vs Borussia Dortmund | |
| Napoli vs Arsenal | ||
| G | Atletico Madrid vs Porto | |
| Austria Wien vs Zenit Petersburg | ||
| H | AC Milan vs Ajax | |
| Barcelona vs Celtic |
វីដេអូហាយឡាយនៃការប្រកួត៖
0 comments:
Post a Comment