ប្រសិនបើអ្នកធ្លាប់ធ្វើធ្លាក់ទូរសព្ទ អ្នកនឹងដឹងពីអារម្មណ៍សោកស្ដាយពោលឱនរើសវាមកវិញ ដោយសង្កេតមើលថាវាមានបែក ឆ្កូត ឬខូចដែរឬអត់? ដោយសារតែបញ្ហានេះហើយ ទើបធ្វើឲ្យក្រុមហ៊ុនផលិតយានយន្តរបស់ជប៉ុន Honda ដែលធ្លាប់តែផលិតពោងសុវត្ថិភាពការពារអាយុជីវិតអ្នកបើកបរ បានបន្តគំនិតបង្កើតស្រោមទូរសព្ទដែលខុសពីស្រោមទូរសព្ទដទៃទៀត ពោលគឺវាមានភ្ជាប់ជាមួយពោងសុវត្ថិភាព ដើម្បីបង្ការមិនឲ្យទូរសព្ទលោកអ្នកខូចខាតពេលប៉ះទង្គិច។
ពោងសុវត្ថិភាពរបស់ទូរសព្ទនេះ ត្រូវបានគេដាក់ឈ្មោះថា Case N។ ពោងតូចៗទាំង៦ នឹងផ្ទុះឡើងភ្លាមៗនៅពេលណាទូរសព្ទរបស់អ្នកជ្រុះចេញពីដៃ។ យ៉ាងណាក្ដី ការបង្កើតថ្មីគឺគ្រាន់តែជាគោលគំនិតមួយរបស់ Honda ប៉ុណ្ណោះ ពោលគឺមិនទាន់ចេញលក់នៅឡើយទេ។
ចង់ដឹងច្បាស់ សូមមើលវីដេអូខាងក្រោមនេះ៖
0 comments:
Post a Comment