ថ្ងៃអង្គារម្សិលមិញនេះ សហព័ន្ធកីឡាបាល់ទាត់អង់គ្លេស (FA) សម្រេចដាក់ពិន័យខ្សែបម្រើ Jack Wilshere របស់ក្រុមកាំភ្លើងធំ Arsenal ដែលបានប្រើកាយវិការប្រមាថដាក់អ្នកគាំទ្រក្រុម Manchester City អំឡុងពេលក្រុមកាំភ្លើងធំ Arsenal បរាជ័យធ្ងន់ក៦-៣នៅ Etihad Stadium ក្នុងក្របខ័ណ្ឌ Premier League កាលពីថ្ងៃសៅរ៍។
អត្ថបទ៖ Zaha ទាត់ចោលការចោទថាអត់បានចូលលេងដោយសារកូនស្រី David Moyes
រូបភាពដែលចាប់បានក្នុងកញ្ចក់ទូរទស្សន៍បង្ហាញថាកីឡាករជម្រើសជាតិអង់គ្លេសវ័យ២១ឆ្នាំរូបនេះលើកម្រាមដៃកណ្ដាលក្នុងចេតនាឌឺអ្នកគាំទ្រក្រុមម្ចាស់ផ្ទះ។ អង្គភាពគ្រប់គ្រងកីឡាបាល់ទាត់របស់អង់គ្លេសមិនទាន់បញ្ជាក់ពីកម្រិតនៃទណ្ឌកម្មនៅឡើយទេ ដោយគ្រាន់តែប្រាប់ថាជយលាភីកីឡាករវ័យក្មេងលេងបានល្អជាងគេនៅអង់គ្លេសរដូវកាល២០១០-១១ (PFA Young Player of the Year) រូបនេះមានពេលដល់ម៉ោង៦ល្ងាចថ្ងៃពុធនេះដើម្បីប្ដឹងតវ៉ាចំពោះការចោទប្រកាន់។ កាលពីថ្ងៃសៅរ៍ លោក Arsene Wenger ឱ្យដឹងនៅក្រោយចប់ការប្រកួតថាក្លិបរបស់លោកនឹងទទួលយករាល់ពិន័យទាំងឡាយប្រសិនបើ Wilshere ពិតជាបានធ្វើខុសមែន។
អត្ថបទ៖ Dortmund, Arsenal ឈ្នះតែមិនទាន់ជាប់ ខណៈ Barca, Chelsea ចាញ់តែជាប់
ពេល Wilshere បង្កកំហុសនោះ មន្ត្រីអាជ្ញាកណ្ដាលមិនបានឃើញឡើយ តែសកម្មភាពទាំងអស់ត្រូវវីដេអូថតបាន។ ក្រោមច្បាប់ថ្មីរបស់ FA បានអនុញ្ញាតឱ្យមន្ត្រីក្រុមប្រឹក្សាវិន័យ៣នាក់ពិនិត្យមើលខ្សែអាត់វីដេអូឡើងវិញហើយផ្ដល់ដំណឹងជូនសហព័ន្ធប្រសិនបើវិធានការណាមួយចាំបាច់ត្រូវធ្វើឡើង ដោយមានការឯកភាពគ្នាជាឯកច្ឆន្ទពីមន្ត្រីទាំង៣រូប។
អត្ថបទ៖ កីឡាកររបស់ Southampton ៣នាក់ជាប់ជម្រើសជាតិអង់គ្លេស
នៅចាំបានថាខ្សែប្រយុទ្ធ Luis Suarez របស់ក្រុមហង្សក្រហម Liverpool ត្រូវបានដាក់បម្រាមមិនឱ្យចូលលេង១ប្រកួតនិងពិន័យជាប្រាក់២ម៉ឺនផោន(៣២ ៥០០ដុល្លារអាមេរិក) ចំពោះករណីស្រដៀងគ្នានេះកាលពីពីរឆ្នាំមុនពេល Liverpool ប្រកួតចាញ់១-០នៅទឹកដីក្រុម Fulham៕
0 comments:
Post a Comment