អតីតអ្នកភូមិបឹងកក់ នាំគ្នាបិទផ្លូវមុខ សាលារាជធានី ភ្នំពេញ ទៀតហើយ
ភ្នំពេញ៖ អតីតអ្នកភូមិបឹងកក់ប្រមាណជា ៣០នាក់ នៅព្រឹកថ្ងៃពុធ ទី២៥ ខែធ្នូ ឆ្នាំ២០១៣នេះ បាននាំគ្នាអង្គុយ តវ៉ាបិទកំណាត់ផ្លូវព្រះមុនីវង្ស មុខសាលារាជធានីភ្នំពេញទៀតហើយ ដើម្បីតវ៉ាទាមទារឲ្យមានដំណោះស្រាយលើ បញ្ហាដីធ្លី ក៏ដូចជាបន្ថែមសំណងជាថ្នូរនឹងការចាក់ចេញនាពេលកន្លងមកនោះ ។
ការជួបជុំតវ៉ានៅព្រឹកព្រលឹមថ្ងៃនេះ គេសង្កេតឃើញមានតែអតីតអ្នកភូមិបឹងកក់ប៉ុណ្ណោះ មិនទាន់មានការចូល រួមពីសំណាក់ព្រះសង្ឃនៅឡើយទេ។
សូមបញ្ជាក់ថា ការតវ៉ារបស់អតីតអ្នកភូមិបឹងកក់ បានធ្វើឡើងរយៈពេល៣មកហើយ បូករួមទាំងថ្ងៃនេះ។ ការតវ៉ានេះ បណ្តាលឲ្យការប៉ះទង្គិចគ្នាបន្តិចផងដែររវាងសមត្ថកិច្ច និងក្រុមអ្នកតវ៉ាកាលពីថ្ងៃទី២៤ ខែធ្នូ គ្រាដែលក្រុមសមត្ថ កិច្ចព្យាយាមបំពេកក្រុមអ្នកតវ៉ាមិនឲ្យបិទផ្លូវ។
ការបង្ខំចិត្តបំបែកក្រុមអ្នកតវ៉ាកាលពីម្សិលមិញនេះ បានធ្វើឲ្យក្រុមអ្នកតវ៉ារួមទាំងព្រះសង្ឃជាច្រើនអង្គផងនោះ បានផ្ទុះហឹង្សាវាយបំផ្លាញរបង និងកញ្ចក់ដាក់តាំងរូបថត ព្រមទាំងសេចក្តីប្រកាសផ្សេងៗរបស់រាជធានីភ្នំពេញផង ដែរ។
ក្រុមអ្នកតវ៉ានេះ ជាអតីតអ្នកភូមិបឹងកក់ ដែលបានយល់ព្រមទទួលសំណងវិនិយោគពីក្រុមហ៊ុនអភិវឌ្ឍន៍នៅតំបន់ បឹងកក់ កាលពីពេលកន្លង។ ការវិលមកតវ៉ាជាថ្មីរបស់អតីតអ្នកភូមិបឹងកក់ ក្នុងបំណងចង់ឲ្យសាលារាជធានីភ្នំពេ ញ គិតគូរសំណងជាថ្នូរនឹងការចាក់ចេញបន្ថែមទៀត ដោយពួកគាត់បានអះអាងថា សំណងផ្តល់នាពេលកន្លងទៅ មិនសមស្រប ហើយធ្វើឲ្យការរស់នៅរបស់ពួកគាត់ជួបការលំបាកផងដែរ៕
ប្រភពពី៖ www.khmer-note.com
0 comments:
Post a Comment