ចំនួនអ្នកចូលរួមយ៉ាងច្រើនកុះករលើសការរំពឹងទុក ដែលរួមមានទាំងអ្នកសិល្បៈ និងក្រៅរង្វង់សិល្បៈ ក្នុងពិធីជប់លៀងមង្គលការរបស់ អ្នកនាង គឹម លីហ្សា កាលពីយប់មិញនេះ ហាក់បានធ្វើឲ្យសាមីខ្លួនមានការរីកមុខរីកមាត់យ៉ាងខ្លាំង។ ពូកគេជាសក្ខីភាពមួយនៃចំណងស្នេហ៍ប្ដីប្រពន្ធមួយគូថ្មីថ្មោងនេះដែរ។
ថ្លែងលើវេទិកាឆ្លើយតបតាមការអញ្ជើញរបស់ពិធីការិនីស្រស់ស្អាតទាំងពីររូប គឺអ្នកនាង គង់ សុជាតិ និង អ្នកនាង ខៀវ សានសាណា ក្នុងពេលដដែលនោះ សាមីខ្លួនខាងលើបាននិយាយថា នេះជាកិត្តិយសណាស់សម្រាប់នាង និង ជារឿងមិននឹកស្មានដល់នោះទេ។ អ្នកនាងថា៖ ” នាងខ្ញុំរំពឹងថា ប្រហែលជាមានភ្ញៀវកិត្តិយសចូលរួមជាង ៦០តុ ប៉ុណ្ណោះ។ ប៉ុន្តែជាក់ស្ដែងមានរហូតដ៏ទៅ៨០តុឯណោះ”។
ជាការពិត នៅក្នុងពិធីជប់លៀងមង្គលការរបស់តារាស្រីខាងលើ ហាក់មានការចូលរួមច្រើនពីអ្នកសិល្បៈរួមអាជីពទាំងស្រករមុន និងស្រករក្រោយ មិនចាញ់មង្គលការរបស់នាង សារ៉ាយ សក្ខណា ធ្វើឡើងកាលពីសប្ដាហ៍មុននោះឡើយ៕
អត្ថបទ៖ សំ ជំនាញ
0 comments:
Post a Comment