មូលហេតុរាងកាយដែលធ្វើអោយងាប់លិង្គ
នៅពេលអ្នកមានអារម្មណ៍ផ្លូវភេទ សរសៃប្រសាទនឹងបញ្ឆេះកម្តៅនៅក្នុងខួរក្បាល ហើយវានឹងបញ្ជូនសញ្ញាពីខួរឆ្អឹងខ្នង ទៅលិង្គ។ នៅទីនោះ សាច់ដុំនឹងសម្រាក ហើយលំហូរឈាមនឹងហូរចូលទៅក្នុងសរសៃឈាមកាន់តែច្រើន។ បើសិនជាអ្វីៗទាំងអស់ល្អហើយ ឬលិង្គរឹង នោះវាពិតជាត្រៀមខ្លួនរួចជាស្រេចសម្រាប់ការរួមភេទដែរ។
ជាអកុសល្យ រឿងទាំងអស់មិនមែនតែងតែល្អនោះទេ។ ក្នុងករណីខ្លះ ការព្យាបាលជំងឺអាចធ្វើអោយលិង្គងាប់បានដែរ។ ការងាប់លិង្គច្រើនតែអាចព្យាបាលបាន ហើយការរកឃើញនូវមូលហេតុដែលត្រឹមត្រូវ វានឹងធ្វើអោយការព្យាបាលទទួលបានជោគជ័យ។ ចំពោះជំងឺដែលអាចធ្វើអោយងាប់លិង្គបានមានដូចជា ជំងឺទឹកនោមផ្អែម, ជំងឺតម្រងនោម, ជំងឺសរសៃប្រសាទ, ជំងឺសរសៃឈាម និងជំងឺមហារីកក្រពេញប្រូស្តាតជាដើម។ ក្រៅពីនេះ មូលហេតុរាងកាយដែលធ្វើអោយងាប់លិង្គដែរនោះអាចមានដូចជា៖
- ការវះកាត់៖ ការវះកាត់ទាំងជំងឺមហារីកក្រពេញប្រូស្តាត និងប្លោកនោម សុទ្ធតែអាចបំផ្លាញដល់សរសៃប្រសាទ និងជាលិការសំខាន់សម្រាប់ធ្វើអោយលិង្គរឹងបានទាំងអស់។ ពេលខ្លះ បញ្ហានេះនឹងស្រួលបួលមកវិញក្នុងរយៈពេល ៦ ទៅ ១៨ខែក្រោយ។ ប៉ុន្តែការខូចខាតក៏អាចកើតឡើងជាប់រហូតបានដែរ។ បើសិនជាវាកើតឡើងមែន ការព្យាបាលអាចនឹងធ្វើចំពោះរឿងនេះដើម្បីស្តារលទ្ធភាពនៃការឡើងរឹងរបស់លិង្គវិញ។
- ការមានរបួស៖ ការមានរបួសទៅលើអាងត្រគៀក, ប្លោកនោម, ខួរឆ្អឹងខ្នង និងលិង្គដែលត្រូវការវះកាត់នោះក៏អាចធ្វើអោយលិង្គងាប់បានដែរ។
- បញ្ហាអ័រម៉ូន៖ អ័រម៉ូនតេស្តូស្តេរ៉ូន និងអ័រម៉ូនផ្សេងៗទៀតជាអ្នកធ្វើអោយមានចំណង់ផ្លូវភេទរបស់បុរស ហើយការដែលវាមានលក្ខណៈអតុល្យភាពវិញ ច្បាស់ជាប៉ះពាល់ដល់ផ្លូវភេទហើយ។ មូលហេតុរបស់វាមានដូចជា ដុំសាច់នៅក្រពេញពីទុយថារី, ជំងឺតម្រងនោម និងជំងឺថ្លើម, បាក់ទឹកចិត្ត និងការព្យាបាលដោយអ័រម៉ូនរបស់ជំងឺមហារីកក្រពេញប្រូស្តាត។
- ការប្រើថ្នាំ, ជក់បារី, ឬផឹកស្រា៖ ការងារទាំងបីនេះអាចធ្វើអោយសរសៃឈាមខូចខាតបាន។ រឿងនេះធ្វើអោយវាពិបាកដល់ឈាមចូលទៅក្នុងលិង្គ។ បើសិនជាអ្នកមានបញ្ហាសរសៃឈាមរឹង បូករួមនឹងជក់បារីទៀត វានឹងប្រឈមនឹងការងាប់លិង្គកាន់តែខ្លាំង។
- ការប្រើថ្នាំតាមវេជ្ជបញ្ជា៖ មានថ្នាំតាមវេជ្ជបញ្ជាច្រើនជាង២០០ប្រភេទឯណោះដែលធ្វើអោយងាប់លិង្គ។
- ក្រពេញប្រូស្តាតរីកធំ៖ ការរីកធំរបស់ក្រពេញប្រូស្តាត ប្រហែលជាដើរតួនាទីដ៏សំខាន់មួយធ្វើអោយងាប់លិង្គដែរ៕
ប្រភពពី៖ www.health.com.kh
0 comments:
Post a Comment