នារី៥ប្រភេទដែលបុរសប្រាថ្នាចង់បាន
តើនារីៗកំពុងតែចង់ដឹងថាគួររៀបខ្លួនបែបណាដើម្បីឲ្យក្លាយជានារីដែលមិត្តប្រុសរបស់អ្នកមិនអាចខ្វះបានមែនទេ? បើបែបនេះសូមបង្ហាញជូនគន្លឹះសំខាន់ៗនិងមានប្រសិទ្ធភាពមួយចំនួនដែលបុរសៗចង់បានពីមិត្តស្រីរបស់គេ។
>> ចុចនៅទីនេះដើម្បីអាន ៥ចំណុចដែលអាចនឹងធ្វើឱ្យបុរសបោះបង់មិត្តស្រី
១. នារីដែលស្អាតទាំងព្រម
នេះមិនមែនសំដៅលើនារីដែលកើតមកស្អាតពីកំណើតនោះទេ តែវាជាភាពស្អាតដែលមើលទៅសមរម្យចូលភ្នែកអ្នកផង។ នារីខ្លះអាចស្គម ឬធាត់ពេក តែនាងនៅតែអាចមានភាពស្អាតតាមរយៈការតុបតែងខ្លួន ការស្លៀកពាក់ និងការចេះស្រឡាញ់ថែរក្សាខ្លួនឯង។
២. នារីដែលមានជំនឿចិត្តលើខ្លួនឯង
ជំនឿចិត្តមិនមែនសំដៅលើភាពក្រអឺតក្រទមនោះទេ តែវាជាភាពជឿជាក់លើខ្លួនឯងគ្រប់រឿងរ៉ាវនិងគ្រប់ស្ថានភាព។ នាងត្រូវតែជានារីដែលអាចធ្វើការ ឬហ៊ានប្រឈមមុខនឹងបញ្ហាបានច្រើនដោយមិនរារែក។ នេះជាចំណុចដែលបុរសភាគច្រើនចង់បានពីនារីដែលគេគិតថានឹងយកធ្វើជាអនាគត។
៣. នារីដែលចេះធ្វើឲ្យមិត្តប្រុសមានភាពទាក់ទាញ
វាមិនមែនជាការទិញគ្រឿងលម្អ ឬប្រដាប់ប្រដាប្រើប្រាស់ឲ្យមិត្តប្រុសមួយមុខអាចហៅថា នាងជានារីដែលចេះផ្ដល់ចំណុចប្រសើរដល់មិត្តប្រុសនោះទេ តែការចេះឲ្យតម្លៃទៅវិញទេទើបជាការធ្វើឲ្យគាត់ល្អបាន។ ការចេះលើកតម្កើងមិត្តប្រុសនៅពេលនាងនៅជាមួយមិត្តភក្តិ ការមិនបង្អាប់ឬនិយាយអ្វីមិនល្អពីមិត្តប្រុស និងការមិនលើកកកាយចំណុចអវិជ្ជមានឬបន្ទោសមិត្តប្រុសនៅមុខគេឯង ទើបជាការឲ្យតម្លៃពិតៗដែលបុរសចង់បាន។
៤. នារីដែលចេះទុកចេះដាក់
ចំណុចពិសេសមួយទៀត គឺនាងត្រូវជានារីដែលចេះរៀបចំផ្ទះសម្បែង ចេះទុកដាក់លុយកាក់របស់របរឲ្យមានសណ្ដាប់ធ្នាប់និងមានភាពច្បាស់លាស់។ មិនមែនដូចនារីខ្លះចេះតែងខ្លួនឡូយឆាយ តែមិនចេះរៀបចំទុកដាក់ ក៏បុរសភាគច្រើនមិនចង់បានដែរ។
៥. នារីដែលស្រស់ស្រាយនិងមានការប្ដេជ្ញាចិត្តច្បាស់លាស់
ស្នាមញញឹម និងភាពរួសរាយគឺជាចំណុចមានមន្តស្នេហ៍បំផុតរបស់នារីដែលបុរសៗស្រមៃចង់បាន។ នាងគួរចេះរាក់ទាក់ និងមានប្រាស្រ័យទាក់ទងល្អជាមួយអ្នកដទៃ ជាជាងរាក់ទាក់ជាមួយតែមិត្តប្រុសរបស់ខ្លួន។ ម្យ៉ាងវិញទៀតនាងក៏ត្រូវមានការប្ដេជ្ញាចិត្តនិងមានគោលដៅក្នុងជីវិតច្បាស់លាស់ ដែលអាចបញ្ជាក់ថានាងមានភាពម្ចាស់ការលើជីវិតខ្លួនឯងបានប្រសើរ។
0 comments:
Post a Comment