ម្ចាស់ហាងបុប្ផាជាយដែនរងការចោទប្រកាន់ថាប៉ុនប៉ងរំលោភភ្ញៀវតែមិនបានសម្រេច
ភ្នំពេញ ៖ ម្ចាស់ហាងបុផ្ផាជាយដែន រងការចោទប្រកាន់ពីនារី២នាក់បងប្អូនចូលទៅផឹកស៊ីនិងច្រៀងខារ៉ាអូខេនៅហាងនោះ ហើយត្រូវម្ចាស់ហាងបបួលចូលបន្ទប់ចាប់វាយនិងទះជាច្រើនដៃទៅនារីពីនាក់បងប្អូនបង្ខាំងទុកប៉ុនប៉ងចាប់រំលោភនៅក្នុងបន្ទប់ខារ៉ាអូខេកាលពីវេលាម៉ោង២និង៣០នាទីយប់រំលងអធ្រាត្រឈានចូលថ្ងៃទី២២ ខែធ្នូឆ្នាំ២០១៣។ ជនដៃដល់ក្រោយពីកើតហេតុបានគេចខ្លួនបាត់។
ប្រភពព័ត៌មានបានឲ្យដឹងថា កាលពីព្រលប់ថ្ងៃទី២១មាននារី៣នាក់ជាបងប្អូនបង្កើននឹងគ្នាមានឈ្មោះ តែម ទិត្យចិន្តា ភេទស្រី អាយុ២៣ឆ្នាំ (បងស្រី) និងឈ្មោះ តែម លីនដា ភេទស្រី អាយុ១៨ឆ្នាំ (ប្អូនស្រី) និងម្នាក់ទៀតឈ្មោះ តែម រដ្ឋា មានទីលំនៅក្នុងសង្កាត់ឃ្មួញបាននាំគ្នាចូលទៅផឹកស៊ីនៅក្នុងហាងបុប្ផាជាយដែនស្ថិតក្នុងសង្កាត់ផ្សារដើមថ្កូវ ខណ្ឌចំការមន លុះមកដល់ម៉ោងប្រមាណជា៩យប់នារីឈ្មោះ តែម រដ្ឋា បានចេញទៅផ្ទះមុន នៅសល់តែនារីពីរនាក់បងប្អូនឈ្មោះ ទិត្យចិន្តា និងលីនដា ក្រោយមកឈ្មោះ ឡាយ ដែលគេស្គាល់ថាជាម្ចាស់ហាងបុប្ផាជាយដែនបានទៅអង្គុយកៅអីជាប់ក្បែរ ហើយនាងទិត្យ ចិន្តានិយាយថាកៅអីទំនេរគគោកមិនទៅអង្គុយ ក្រោយមកចិន្តាក៏ដើរចេញមកអង្គុយកៅអីផ្សេង ហើយពួកគេក៏បាននាំគ្នាផឹកបន្តទៀតរហូតដល់ម៉ោងប្រមាណជា១០និង៣០នាទី ស្រាប់តែឈ្មោះ ឡាយ បានហៅនារីរងគ្រោះពីរនាក់បងប្អូនឲ្យចូលទៅក្នុងបន្ទាប់ខារ៉ាអូខេអង្គុយច្រៀងលេងសប្បាយអឹងកង។ លុះដល់ពេលយប់ជ្រៅនារីឈ្មោះ ចិន្តា ស្រាវឹងស្រាខ្លាំងបានដេកនៅលើសាឡុងឃើញនាងស្អាតហាក់ដូចជាទំនងបុរសឈ្មោះ ឡាយ បានទៅអង្គុយក្បែរនិងណែបនិត្យ ហើយបានដេញនារីជាប្អូនឈ្មោះ លីនដា ឲ្យចេញទៅក្រៅតែនាងមិនព្រមខ្លាចគេធ្វើបាបបងស្រី ក៏ត្រូវបុរសរូបនោះស្ទុះវាយជាច្រើនដៃ និងគំរាមមិនឲ្យស្រែក។ បន្ទាប់មកនារីជាបងស្រីភ្ញាក់ឡើងដឹងខ្លួនក៏ជេរនិងស្តីឲ្យក៏ត្រូវបុរសរូបនោះចាប់វាយជាច្រើនដៃបង្កឲ្យមានការភ្ញាក់ផ្អើលពេញហាង ហើយភ្ញៀវរាយការណ៍ទៅសមត្ថកិច្ចមូលដ្ឋានចុះមកសាកសួរនិងនាំនារីរងគ្រោះទៅដាក់ពាក្យបណ្តឹង។
បើតាមសម្តីជនរងគ្រោះបានរៀបរាប់ឲ្យដឹងថា នៅមុនពេលកើតហេតុនាងនិងបងប្អូន២នាក់ចូលទៅផឹកស៊ីក្នុងហាង បុប្ផាជាយដែន តាំងពីក្បាលព្រលប់លុះមកដល់វេលាកើតហេតុក៏បានចូលទៅច្រៀងខារ៉ាអូខេបានមួយសន្ទុះស្រាប់តែម្ចាស់ហាងដេញប្អូនស្រីចេញតែនាងមិនព្រមហើយបានទះកំភ្លៀងនាងនិងបង្ខាំងទុកនារីជាបងប៉ុនប៉ងរំលោភក៏ផ្អើលដល់សមត្ថកិច្ចចុះមកអន្តរាគមន៍ភ្លាមៗនាំនាងមកសាកសួរតែម្តង។
បច្ចុប្បន្ននារីរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលផ្សារដើមថ្កូវពីបទបង្ខាំង វាយប៉ុនប៉ងរំលោភ។ ចំណែកបុរសឈ្មោះឡាយដែលគេស្គាល់ថាជាម្ចាស់ហាងបុប្ផាជាយដែននោះកាសែតកម្ពុជាថ្មីមិនអាចសុំការបំភ្លឺបានទេនៅថ្ងៃនេះ។
ករណីនោះសមត្ថកិច្ចបានទទួលពាក្យបណ្តឹងរបស់នារីរងគ្រោះរួចហើយប៉ុន្តែវិធានការយ៉ាងណាមិនដឹងនៅឡើយទេ។
សូមរំលឹកថា ទីតាំងហាង បុប្ផាជាយដែនកន្លងមកធ្លាប់មានករណីបាញ់បោះសេរីជាច្រើនលើកបង្ក ឡើងដោយភាគីម្ចាស់ហាងនិងភាគីភ្ញៀវដែលចូលទៅផឹកស៊ីកើតជាទំនាស់ ចំណែកសមត្ថកិច្ចមូលដ្ឋានសឹងតែមិនហ៊ានចូលទៅធ្វើកិច្ចការរបស់ខ្លួននៅទីនោះទេ៕
ឌួងវិរះជ័យ
ប្រភពពី៖ www.khmer-note.com
0 comments:
Post a Comment