នៅមុននេះបន្តិចយើងខ្ញុំទើបតែចុះផ្សាយពីអត្ថបទមួយដែលមានចំណងជើងថា”ថៃផ្កាប់ផ្តិល ខ្មែរក៏ផ្កាប់ផ្តិលដែរ” ដែលនិយាយពីបទចម្រៀងខ្មែរមួយបទរបស់ អ្នកនាង សុខ ស្រីនាង “១លានហេតុផល” លួចចម្លងស្នាដៃពីប្រទេសថៃគឺបទ“คนที่แล้วก็พูดแบบนี้” ។
ឈុតសម្ដែងក្នុងខារ៉ាអូខេ កូរ៉េ និងខ្មែរ
ពេលនេះមានបទចម្រៀងខ្មែរមួយបទរបស់តារាចម្រៀងធ្លាប់ឡើងដល់កំពូល ពីលោក សាពូន មីដាដា គឺបទ”បងធម៌” ក្នុងផលិតកម្មរស្មីហង្សមាស Copy ស្ទើរតែទាំងដុលពីបទចម្រៀងរបស់កូរ៉េក្រោមចំណងជើងថា”please don’t”។ អ្វីដែលសំខាន់នោះនៅក្នុងសាច់រឿងបទចម្រៀងនេះឃើញថា បទចម្រៀងកូរ៉េ គេហែករូបថត ខ្មែរក៏ហែករូបថតតាមគេ ពោលគឺដូចស្ទើរតែទាំងស្រុងដោយមិនមានការច្នៃប្រឌិតឱ្យមកជារបស់ខ្លួនបន្តិចណាឡើយ។
ប្រសិនបើទស្សនិកជនទស្សនាបទចម្រៀងកូរ៉េ “Please Don’t” និងបទចម្រៀងខ្មែររបស់ លោក សាពូន មីដាដា ទើបនឹងចេញលក់លើទីផ្សារ “បងធម៌” ពីដើមរហូតដល់ចប់ នោះប្រិយមិត្តប្រាកដជាបានឃើញជាក់ភ្នែកថា អ្នកដឹកនាំសម្ដែងខ្មែរគ្មានគំនិតច្នៃប្រឌិតអ្វីបន្តិចទាល់តែសោះគឺចម្លងរបស់គេស្ទើរតែ ១០០ភាគរយ។
ដើម្បីជ្រាបច្បាស់ថាខ្មែរមានគំនិតច្នៃប្រឌិតខ្ពស់កម្រិតណា តោះទស្សនាបទចម្រៀងរបស់ខ្មែរ និងកូរ៉េទាំងពីរបទខាងក្រោម។
អត្ថបទ៖ អ៊ីង សុឡា
0 comments:
Post a Comment