ក្រុមជើងឯកអាល្លឺម៉ង់ Bayern Munich នៅតែបង្ហាញភាពខ្លាំងរបស់ខ្លួនមិនព្រមថមថយទាល់តែសោះ ពោលគឺបន្ថែមពានរង្វាន់ធំមួយទៀតដល់ក្លិបក្រោយលើកពាន FIFA Club World Cup កាលពីរំលងអធ្រាត្រយប់មិញដោយបំបាក់ក្រុមម្ចាស់ផ្ទះម៉ារ៉ុក Raja Casablanca ក្នុងលទ្ធផល ២-០នៅវគ្គផ្ដាច់ព្រ័ត្រ។
ជ័យជម្នះរបស់ Bayern Munich យប់មិញធ្វើបាននៅតង់ទី ១ ទាំងពីរគ្រាប់តែម្ដង។ គ្រាប់ទី ១ ធ្វើបានដោយខ្សែការពារ Dante នៅនាទីទី ៧ ក្រោយមិត្តរួមក្រុមតែតបញ្ជូនបាល់ពីការទាត់ជ្រុងមកក្នុងប្រអប់គ្រោះថ្នាក់ឲ្យ Dante ទាត់ទម្លុះសំណាញ់ទីគូបដិបក្ខ។ ចំណែកគ្រាប់ទីពីរធ្វើបាននៅនាទីទី ២២ ដោយកីឡាករ Thiago Alcantara ដោយការពែនបញ្ចូលទីយ៉ាងស្អាត។ ការប្រកួតបន្តរហូតដល់ចប់តង់ទី ១ ដោយមិនមានការប្រែប្រួលលទ្ធផលឡើយ។ ចូលមកដល់តង់ទី ២ ក្រុមទាំងពីរនៅតែមិនអាចធ្វើអ្វីគ្នាបាន ធ្វើឲ្យចប់ការប្រកួត Bayern Munich យកឈ្នះក្រុមម្ចាស់ផ្ទះ Raja Casablanca ដោយលទ្ធផល ២-០។
អាន៖ Ribery ឈ្នះពានកីឡាករល្អបំផុតប្រចាំឆ្នាំនៅ Bundesliga
កីឡាករក្រុម Bayern Munich ត្រៀមចាំទទួលពានកាលពីយប់មិញ
ពានរង្វាន់ដែល Bayern Munich ឈ្នះនៅទីក្រុង Marrakech យប់មិញនេះគឺជាពានទី ៥ ហើយដែលម្ចាស់ជើងឯក Champions League ៥ សម័យកាលសម្រេចបានក្នុងឆ្នាំ ២០១៣។ ឆ្នាំ ២០១៣ ជាឆ្នាំដ៏ជោគជ័យបំផុតក្នុងប្រវត្តិសាស្ត្ររបស់ក្លិបម្ចាស់ពានរង្វាន់ Budesliga ២៣ សម័យដោយក្នុងនោះបានឈ្នះពានរង្វាន់ធំៗចំនួន ៥ រួមមាន FIFA Club World Cup, Bundesliga, German Cup, Champions League និង European Super Cup។
ទស្សនាវីដេអូការប្រកួតខាងក្រោម៖
0 comments:
Post a Comment