កម្ពុជាបានមេដាយមាស៦ ខណៈឡាវបានចំនួន៩ គិតត្រឹមថ្ងៃទី20
ក្តីសុបិន្តរបស់កម្ពុជាក្នុងការដណ្តើមមេដាយមាសឲ្យបានពីរខ្ទង់ក្នុងព្រឹត្តិការណ៌កីឡាដ៏ធំប្រចាំតំបន់អាស៊ី ហៅថា Sea Games លើកទី២៧ ដែលមានប្រទេសមីយ៉ាន់ម៉ាជាម្ចាស់ផ្ទះនោះ ហាក់ដូចជាមិនមានស្រមោល។
រហូតមកដល់ថ្ងៃទី២០ ខែធ្នូ ២០១៣នេះ កម្ពុជាទទួលបានមេដាយសរុបចំនួន ៣១ ក្នុងនោះមានមេដាយមាស ៦ មេដាយប្រាក់៨ មេដាយសំរិទ្ធឹ១៧ នៅក្រោមប្រទេសឡាវដែលមានមេដាយចំនួន ៥២ ក្នុងនោះមេដាយមាសចំនួន៩ មេដាយប្រាក់៨ មេដាយសំរិទ្ធឹ៣៥។
ក្នុងចំណោមព្រឹត្តិការណ៌កីឡានៅ ស៊ីហ្គេមចំនួន ៤៦០ នៃ ៣៧ប្រភេទកីឡា កម្ពុជាអាចរកបានមេដាយក្នុងប្រភេទកីឡាមួយចំនួនប៉ុណ្ណោះដូចជា..៖
| Sport | Gold | Silver | Bronze | Total |
|---|---|---|---|---|
| Canoeing | 0 | 0 | 1 | 1 |
| Chinlone | 0 | 2 | 4 | 6 |
| Petanque | 1 | 4 | 3 | 8 |
| Sepaktakraw | 0 | 0 | 1 | 1 |
| Taekwondo | 0 | 0 | 1 | 1 |
| Vovinam | 1 | 0 | 2 | 3 |
| Wrestling | 4 | 2 | 4 | 10 |
| Wushu | 0 | 0 | 1 | 1 |
| Total | 6 | 8 | 17 | 31 |
នៅសល់តែរយៈពេល ២ថ្ងៃទៀតប៉ុណ្ណោះ គឺថ្ងៃទី២២ធ្នូ ២០១៣ ការប្រកួតនឹងត្រូវបញ្ចប់ ដូច្នេះតើកម្ពុជានៅអាចរកបានមេដាយមាសដើម្បីសម្រេចគោលដៅ២ខ្ទង់របស់ខ្លួនបានដែររឺទេ?
សូមបញ្ជាក់ថា ប្រទេសដែលបានមេដាយច្រើនជាងគេនៅត្រឹមថ្ងៃទី២០នេះគឺប្រទេសថៃ មានចំនួន ២២៨មេដាយ មាស ៨២ ប្រាក់៨០ និងសំរិទ្ធឹ ៦៦ តាមពីក្រោយដោយប្រទេសវៀតណាម ដែលរកបានមេដាយចំនួន ១៩៤ មាស៦៤ ប្រាក់៦០ សំរិទ្ធឹ៧០។ ដោយឡែកប្រទេសជាម្ចាស់ផ្ទះវិញទទួលបានមេដាយចំនួន ១៦៩ មាស៦០ ប្រាក់៥២ សំរិទ្ធឹ ៥៧។
ចំនែកប្រទេសដែលបានមេដាយតិចជាងគេគឺ ប្រទេសប្រ៊ុយណេ បានចំនួន ៦ មាស១ ប្រាក់១ សំរិទ្ធឹ៤ និងប្រទេសចុងក្រោយគឺ ទីម័រខាងកើត បានចំនួន ៣ មាស១ ប្រាក់០ សំរិទ្ធឹ២៕
ប្រភពពី៖ www.neavea.com
0 comments:
Post a Comment