១០ឆ្នាំ​ទៀត​ Real Madrid ប្រហែល​ជា​អាច​មាន​កីឡាករ​ឈ្មោះ Zidane ដល់​ទៅ​៤នាក់​ទៀត​ក៏​ថា​បាន ត្បិត​អី​ពេល​នេះ កូន​ប្រុស​ទាំង​៤​របស់​ Zinedine Zidane សុទ្ធ​តែ​មាន​ឈ្មោះ​ក្នុង​ឈុត​យុវជន​របស់​ក្លិប​យក្ស​អេស្ប៉ាញ​មួយ​នេះ។

កូន​ប្រុស​​ទី៤ ដែល​ជា​កូន​ពៅ​របស់​វីរបុរស​បាល់ទាត់​បារាំង​​ ដែល​មាន​វ័យ​ត្រឹម​៧ឆ្នាំ ឈ្មោះ Eliaz Zidane បាន​ចុះ​កុងត្រា​ជា​ផ្លូវការ​នៅ​ក្នុង​ឈុត​ Academy (U-9) របស់ Real Madrid ហើយ​កាល​ពី​ថ្មីៗ​នេះ។

ក្រៅ​ពី​កូន​ពៅ​រូប​នេះ អតីត​កីឡាករ​ Real Madrid ដែល​កំពុង​ធ្វើ​ជា​ជំនួយ​ការ​គ្រូ​បង្វឹក​ Carlo Ancelotti ក៏​មាន​កូន​ប្រុស​៣នាក់​ទៀត​ក្នុង​ក្លិប​នេះ​ផង​ដែរ។

កាសែត​កីឡា Marca របស់​អេស្ប៉ាញ ចុះ​ផ្សាយ​ពី​កូន​ពៅ Zidane ចូល Real Madrid

កូន​ច្បង​គេ Enzo Zidane អាយុ​១៨ឆ្នាំ កំពុង​លេង​ក្នុង​ឈុត U-18 ក្រោយ​ហាត់​នៅ​ក្នុង​ឈុត Academy ​ជិត​១០ឆ្នាំ​កន្លង​ម​ក (មើល​វីដេអូ Enzo ពេល​លេង​ទល់​នឹង​ឈុត​យុវជន Barcelona ខាង​ក្រោម)។ ចំណែក​កូន​ទី​២ Luca Zidane អាយុ​១៥ឆ្នាំ គឺ​ជា​អ្នក​ចាំ​ទី ដែល​កំពុង​លេង​ក្នុង​ឈុត U-16 ក្រោយ​ចូល​លេង​តាំង​ពី​អាយុ​៧ឆ្នាំ​ដូច​ប្អូន​ពៅ​របស់​ខ្លួន​ដែរ។ ចំណែក​កូន​ទី​៣ គឺ Theo Zidane អាយុ​១១ឆ្នាំ លេង​ក្នុង​តំណែង​ខ្សែ​បម្រើ​ប្រយុទ្ធ។ ​​​

វីដេអូ​កូន​ច្បង​របស់ Zidane លេង​ទល់​នឹង Barcelona៖